«جاڭا يدەيالار، ۇلكەن مۇمكىندىكتەر»: جاستار وكىلدەرى الماتىنىڭ كوميۋنيتي ورتالىقتارى تۋرالى نە دەيدى
اعىمداعى جىلى الماتىدا قالا اكىمى ەربولات دوسايەۆتىڭ تاپسىرماسى بويىنشا ءار اۋداندا 16-عا دەيىن - ءار اۋداندا ەكىدەن كوميۋنيتي ورتالىقتار پايدا بولادى. مەگاپوليستە 2024 جىلى وسىنداي ۇيىمدار ىسكە قوسىلدى، دەپ حابارلايدى aqshamnews.kz
بۇل جوبا كوپفۋنكسيونالدى. كوميۋنيتي-ورتالىقتاردا جاستار وكىلدەرىنە پسيحولوگيالىق جانە زاڭگەرلىك كومەك كورسەتىلەدى، جۇمىسقا ورنالاستىرۋ، مەملەكەتتىك باعدارلامالار، كاسىپتىك باعدار بەرۋ، قارجىلىق ساۋاتتىلىقتى وقىتۋ، تىلدىك كۋرستار ماسەلەلەرى بويىنشا كونسۋلتاسيالار بەرىلەدى. سونداي-اق مۇندا ءبىلىم بەرۋ جانە مادەني ءىس-شارالار وتەدى، بي زالدارى، دىبىس جازۋ ستۋديالارى جانە TikTok ايماقتارى جۇمىس ىستەيدى.
وتكەن جىلى مەگاپوليستە 380 مىڭنان استام جاستاردى قامتيتىن دارىستەر، سەمينارلار، ەكواكسيالار، زياتكەرلىك ويىندار، اكۋستيكالىق كەشتەر، ۆيكتورينالار مەن كۆيزدەر، شەبەرلىك سىنىپتارى، ۇستەل ويىندارى جانە سپورتتىق تۋرنيرلەر تۇرىندە 1،7 مىڭنان استام ءىس-شارالار وتكىزىلدى. 12 مىڭنان استام ادام كەڭەس الدى، ونىڭ ىشىندە جۇمىسقا ورنالاستىرۋ بويىنشا – 4،7 مىڭ، قىسقا مەرزىمدى كۋرستار بويىنشا – 3،3 مىڭ، پسيحولوگپەن جانە زاڭگەرمەن 2 مىڭنان بارلىعى 2024 جىلى الماتى كوميۋنيتي-ورتالىقتارىنا 112 مىڭنان استام جاس كەلدى.
قالا تۇرعىنى بولات قيسامبايەۆ اتاپ وتكەندەي، كوميۋنيتي - ورتالىقتاردا ول جاڭا جانە قىزىقتى يدەيالاردى، ستارتاپتاردى بىرلەسىپ ىسكە اسىراتىن، پىكىرلەس ادامداردى تاباتىن بەلسەندى بالالارمەن تانىستى. «بۇل وتە كەرەمەت باستاما. جاستارعا قولداۋ كورسەتۋ كەرەك. مۇنداي ورتالىقتار جاستاردى جۇمىسقا ورنالاستىرىپ قانا قويماي، ولاردىڭ ەنەرگياسىن دۇرىس باعىتقا باعىتتاۋعا كومەكتەسەدى. مەنىڭ ويىمشا، IT-تەحنولوگيالار مەن جاساندى ينتەللەكت سياقتى وزەكتى باعىتتارعا باسا نازار اۋدارۋ كەرەك. ءقازىر ەڭبەك نارىعى وزگەرۋدە، قازاقستاندىقتار ۋاقىتپەن قاتار ءجۇرۋى قاجەت. مەنىڭ بىلۋىمشە، اقش-تا، جاپونيادا جانە باسقا دا دامىعان ەلدەردە وسىنداي جوبالار بار. بىزگە بەرىلگەن مۇمكىندىكتەر ءۇشىن قالا اكىمدىگىنە العىسىمدى بىلدىرەمىن»، - دەپ ويىمەن ءبولىستى بولات قيسامبايەۆ.
ۆولونتەر ديليارام اسانوۆانىڭ ايتۋىنشا، قالالىق كوميۋنيتي ورتالىقتاردىڭ قىزمەتىنە قاتىسۋدىڭ ارقاسىندا ول كوپتەگەن قىزىقتى جانە پايدالى جاندارمەن تانىسقان. «بۇل ۇيىمدار بەي-جاي قارامايتىن ازاماتتاردىڭ كۇش-جىگەرىن بىرىكتىرۋگە مۇمكىندىك بەرەدى. ءبىز سۋ تاسقىنىنان زارداپ شەككەندەرگە گۋمانيتارلىق كومەك جيناۋعا قاتىستىق، «تازا قازاقستان» رەسپۋبليكالىق ەكولوگيالىق اكسياسىنا قاتىستىق، بلوگەرلەر اراسىنداعى ءتۇرلى فورۋمداردا، «بىرلىك سپورت Fest» ءىس-شاراسىندا جانە ت.ب. ءسوز سويلەدىك» -، دەپ اتاپ ءوتتى بويجەتكەن.
ەستەرىڭىزگە سالا كەتەيىك، وتكەن جىلى الماتىدا 8 كوميۋنيتي-ورتالىق «الماتى قالاسىن دامىتۋدىڭ 2025 جىلعا دەيىنگى باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالار» اياسىندا ىسكە قوسىلدى، قالالىق اكىمدىكتىڭ جوبالىق كەڭسەسىنىڭ قولداۋىمەن - ءار اۋداندا بىر-بىردەن.
بۇدان باسقا، وتكەن جىلدان باستاپ ءاربىر كوميۋنيتي- ورتالىقتا قازاقستاندىق ءوندىرىستىڭ فاندوماتتارى – ولاردى ودان ءارى وڭدەۋ ءۇشىن پلاستيكالىق بوتەلكەلەر مەن اليۋمينيي بانكالاردى جيناۋ اپپاراتتارى ورناتىلدى. وسىلايشا، وسى جاستار كەڭىستىگىنە كەلۋشىلەر اراسىندا ەكولوگيالىق قۇندىلىقتار قالىپتاسۋدا، ال كوميۋنيتي ورتالىقتاردىڭ رەزيدەنتتەرى قورشاعان ورتانى قورعاۋ جونىندەگى ءىس-شارالاردى قولداي وتىرىپ، ەكورەيندجەرلەر قاتارىن بەلسەندى تولىقتىرۋدا.
