2025 جىلى Skills Enbek كاسىپتىك وقىتۋ پلاتفورماسىندا 570 مىڭ ازامات، ونىڭ ىشىندە 53،5 مىڭ جۇمىسسىز ونلاين-كۋرستاردى ءساتتى اياقتاپ، سەرتيفيكاتتارعا يە بولدى، - دەپ حابارلايدى Aqshamnews.kz.
پلاتفورمادا بارلىعى 1،5 ملن-نان استام پايدالانۋشى تىركەلگەن، ولاردىڭ 925،7 مىڭى – 2025 جىلى تىركەلدى. ال Skills Enbek ىسكە قوسىلعاننان بەرى جالپى شامامەن 1،2 ملن ادام ءبىلىم الدى.
وقىتىلعان 56،6 مىڭ جۇمىسسىز ازاماتتىڭ شامامەن 16،9 مىڭى – 16-35 جاس ارالىعىنداعى جاستار. ولار نەگىزىنەن تۇركىستان (3،5 مىڭ ادام)، قوستاناي (2،8 مىڭ)، قىزىلوردا (2،5 مىڭ) وبلىستارىنان، سونداي-اق الماتى قالاسىنان (2،3 مىڭ) جانە الماتى وبلىسىنان (2،2 مىڭ) شىققان.
سونىمەن قاتار 2025 جىلى Skills Enbek پلاتفورماسىندا سەرتيفيكات العان جۇمىسسىزداردىڭ 56%-دان استامىن ايەلدەر قۇرايدى (32 مىڭ ادام). ايەلدەردىڭ ەڭ جوعارى ۇلەسى تۇركىستان (3،5 مىڭ)، قوستاناي (2،8 مىڭ)، قىزىلوردا (2،6 مىڭ) وبلىستارىندا، سونداي-اق الماتى قالاسى مەن قاراعاندى وبلىسىندا (ءارقايسىسىندا 2،3 مىڭ ادام) تىركەلگەن.
2025 جىلى ءبىلىم العانداردىڭ شامامەن 26 مىڭى – اۋىلدىق جەر تۇرعىندارى. ولاردىڭ باسىم بولىگى تۇركىستان (3،2 مىڭ)، قىزىلوردا (2،9 مىڭ) جانە الماتى (2،6 مىڭ) وبلىستارىنان.
پلاتفورما ىسكە قوسىلعان ساتتەن باستاپ اۆتورلار ءتۇرلى باعىتتار بويىنشا 1 000-نان استام كۋرس جاريالادى، ولاردىڭ 382ء-سى – تەگىن. سونداي-اق Courstore، Fluent Education جانە ياندەكس قازاقستان سەرىكتەستەرىنىڭ كۋرستارى ۇسىنىلىپ، ءبىلىم الۋشىلارعا وسى ءبىلىم بەرۋ الاڭدارىندا وقۋدى جالعاستىرۋ مۇمكىندىگى قاراستىرىلعان.
كۋرستاردىڭ ۇزاقتىعى 1 ساعاتتان 72 ساعاتقا دەيىن.
2025 جىلى ەڭ تانىمال كۋرستار قاتارىندا: «IT جانە تەلەكوممۋنيكاسيالار»، «اسپاز-كونديتەر»، «سەنىڭ مانساپتىق باستاماڭ: «ەلەكتروندىق ەڭبەك بيرجاسىن» قالاي پايدالانۋعا بولادى» قالاي پايدالانۋعا بولادى»، «پەرسونالدى باسقارۋ»، «ءپىشۋ جانە تىگۋ» بولدى.
Skills Enbek پلاتفورماسىندا الەۋمەتتىك قىزمەت كورسەتۋ جانە باسقا دا باعىتتار بويىنشا تەگىن كۋرستاردىڭ سانى تۇراقتى تۇردە ارتىپ كەلەدى.
بۇعان دەيىن حابارلانعانداي، پلاتفورما ەل حالقىنىڭ ءبىلىم دەڭگەيى مەن كاسىبي بىلىكتىلىگىن ارتتىرۋعا، مانساپتىق دامۋدى ىنتالاندىرۋعا جانە «ءومىر بويى ءبىلىم الۋ» تۇجىرىمداماسىن ىلگەرىلەتۋگە باعىتتالعان. ول قىزمەتتەر نارىعىنىڭ ماركەتپلەيس قاعيداتى بويىنشا ونلاين-كۋرستارعا قولجەتىمدىلىك ۇسىناتىن حالىقارالىق ءبىلىم بەرۋ پلاتفورمالارىنىڭ ۇلگىسىمەن قۇرىلعان.
وقۋعا تىكەلەي https://skills.enbek.kz/ سىلتەمەسى ارقىلى نەمەسە ەلەكتروندىق ەڭبەك بيرجاسىنداعى «ونلاين وقىتۋ» ءبولىمى (بۇدان ءارى – Enbek.kz) ارقىلى قول جەتكىزۋگە بولادى.
Skills Enbek پلاتفورماسىندا ءبىلىم الۋشى وقۋ قارقىنىن، ءتىلىن، ماتەريالدى ۇسىنۋ ءتاسىلىن ءوز بەتىنشە تاڭداي الادى جانە وقۋ بارىسىنداعى ىلگەرىلەۋىن قاداعالايدى.
ءبىلىم الۋشىلار ءۇشىن ارتىقشىلىقتار: كۋرستاردى كەڭەيتىلگەن ىزدەۋ مۇمكىندىگى، ساباقتاردىڭ تۇسىنىكتى قۇرىلىمى، وقۋ پروسەسىن باقىلاۋ جانە كۋرس اۆتورلارىمەن جەدەل بايلانىس. پايدالانۋشىلار ءۇشىن قىزىقتى سۇراقتارعا جىلدام جاۋاپ بەرەتىن جاساندى ينتەللەكتكە نەگىزدەلگەن چات-بوت قولجەتىمدى.
وقۋدى اياقتاۋ ءۇشىن ءبىلىم الۋشى 70% شەكتى دەڭگەيدەن تومەن ەمەس ناتيجەمەن تەستىلەۋدەن ءوتۋى ءتيىس. كۋرستى ءساتتى اياقتاعان جاعدايدا داعدىنى مەڭگەرگەنى تۋرالى سەرتيفيكات بەرىلەدى. وقۋدى اياقتاۋدىڭ مىندەتتى شارتى – كۋرسقا باعا بەرۋ. سەرتيفيكاتتى جۇكتەۋ كەزىندە الىنعان داعدىلارعا سايكەس بوس جۇمىس ورىندارىنا Enbek.kz سايتىنا ءوتۋ مۇمكىندىگى بار ۇسىنىستار قوسا بەرىلەدى.
الىنعان سەرتيفيكات Enbek.kz پورتالىندا تىركەلۋ كەزىندە جاسالعان تۇيىندەمەدە اۆتوماتتى تۇردە كورسەتىلەدى. قىزمەتكەرلەردى ىزدەۋ بارىسىندا الەۋەتتى جۇمىس بەرۋشىلەر پلاتفورمادا ءساتتى اياقتالعان كۋرستار بويىنشا الىنعان سەرتيفيكاتتاردى كورە الادى.
Skills Enbek پلاتفورماسىنا ونلاين-كۋرستاردى ورنالاستىرۋ اۆتورلار مەن ازىرلەۋشىلەر ءۇشىن تەگىن. كۋرستار قازاق، ورىس جانە اعىلشىن تىلدەرىندە ۇسىنىلا الادى جانە اقپاراتتى ۇسىنۋدىڭ ءارتۇرلى فورماتتارىن قامتۋى ءتيىس: ءماتىن، پرەزەنتاسيالار، بەينە جانە اۋديوماتەريالدار، ينفوگرافيكا جانە باسقا دا تۇرلەر. پلاتفورما ەرەكشە ءبىلىم بەرۋ قاجەتتىلىكتەرى بار ادامدار ءۇشىن ينتەرفەيستى بەيىمدەۋ مۇمكىندىگىن قاراستىرادى.
جۇمىسشى ماماندىقتار جىلى اياسىندا پلاتفورمادا مەكتەپ تۇلەكتەرى مەن تجكب ستۋدەنتتەرىنە ارنالعان كەلەسى كۋرستار ورنالاستىرىلدى:
«سەنىڭ مانساپتىق باستاماڭ: «ەلەكتروندىق ەڭبەك بيرجاسىن» قالاي پايدالانۋعا بولادى» جانە «تۆوي كارەرنىي ستارت: كاك يسپولزوۆات «ەلەكتروننۋيۋ بيرجۋ ترۋدا»». اتالعان كۋرستار ماماندىقتار الەمىندەگى پراكتيكالىق جولسىلتەمە رەتىندە قىزمەت ەتەدى: بولاشاق ماماندىقتى تاڭداۋعا، جۇمىس ىزدەۋ مەن ءوزىن تانىستىرۋ داعدىلارىن مەڭگەرۋگە، سونداي-اق ەلەكتروندىق ەڭبەك بيرجاسىنىڭ قۇرالدارىن ءتيىمدى پايدالانۋعا كومەكتەسەدى. ەرەكشە نازار مانساپ جولىن باستاۋدا ءجيى كەزدەسەتىن قاتەلىكتەردەن قالاي اۋلاق بولۋعا بولىنگەن.
بۇگىنگى كۇنى بۇل كۋرستاردان 529 مىڭ مەكتەپ وقۋشىسى مەن ستۋدەنت وتكەن، بۇل جوبانىڭ جوعارى سۇرانىسقا يە ەكەنىن جانە ماڭىزدىلىعىن دالەلدەيدى.
كۋرس اۆتورلارى ءۇشىن ساباقتاردى قۇراستىرۋعا ارنالعان ىڭعايلى كونسترۋكتور، جاريالانعان كۋرستاردىڭ ستاتيستيكاسى مەن تيىمدىلىگىن كورۋ مۇمكىندىگى، سەرتيفيكاتتاردىڭ ءارتۇرلى ديزاينى، سونداي-اق وقىتۋ قۇنىن الدىن الا ەسەپتەۋگە ارنالعان ونلاين-كالكۋلياتور قولجەتىمدى.
ەسكە سالايىق، 2023 جىلعى جەلتوقساننان باستاپ كۋرستاردان Enbek ءموبيلدى قوسىمشاسى ارقىلى دا وتۋگە بولادى. قوسىمشانى Google Play جانە App Store دۇكەندەرىنەن جۇكتەۋگە بولادى.
Skills Enbek پلاتفورماسىندا تىركەلۋ جانە جۇمىس ىستەۋ ماسەلەلەرى بويىنشا «ەردو» اق جاۋاپتى قىزمەتكەرلەرىنە 8 (7172) 95 43 17 تەلەفونى ارقىلى (ىشكى نومىرلەر: 405، 441، 363) حابارلاسۋعا بولادى.