2025 جىلعا دەيىن 1000 جاڭا مەكتەپ سالىنادى
2025 جىلى 100 مىڭ ءمۇعالىم قاجەت بولادى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى Almaty-akshamy.kz
«ەگەر مەكتەپ قۇرىلىسى ماسەلەسىن ايتار بولساق، تاۋەلسىزدىك جىلدارىنىڭ ىشىندە 2 مىڭنان استام مەكتەپ سالىندى. ەندى مەملەكەت باسشىسىنىڭ تاپسىرماسىنا سايكەس، بيىلدان باستاپ 2025 جىلى كەمىندە 1 مىڭ مەكتەپ سالۋ مىندەتى الدىمىزدا تۇر. ءقازىر وقۋشى ورنى تاپشىلىعىنا قاتىستى ۇلكەن پروبلەمانى كورىپ وتىرمىز. بيىل 150 مىڭ تۇلەك مەكتەپ ءبىتىرىپ شىقسا، ال 1 سىنىپقا 400 مىڭعا جۋىق بالانى قابىلدادىق. ءبىر جىلداعى ايىرماشىلىقتىڭ ءوزى 250 مىڭ بالانى قۇراپ وتىر. مەكتەپتەردى سالماساق، 2025 جىلعا قاراي كەمىندە 1 ملن قوسىمشا وقۋ ورنى قاجەتتىلىگى تۋىندايدى. پروبلەمانى الدىن الا شەشۋ ءۇشىن پرەزيدەنت تاعى 1 مىڭ مەكتەپ سالۋعا تاپىرما بەردى»، - دەدى مينيستر ق ر پرەزيدەنتى جانىنداعى ادام قۇقىقتارى جونىندەگى كوميسسيا وتىرىسىندا.
ونىڭ اتاپ وتۋىنشە، جەلتوقسان ايىندا 200-دەن استام مەكتەپ پايدالاۋعا بەرىلەدى. وسىلايشا، 2025 جىلعا دەيىن 1 000 جاڭا مەكتەپ سالىنادى.
«ءبىر مىڭ مەكتەپ كەمىندە 100 مىڭ جاڭا پەداگوگيكالىق مولشەرلەمەنى قوسىمشا قۇرۋدى تالاپ ەتەدى. بىزگە 100 مىڭ ءمۇعالىم قاجەت بولادى. ءدال وسى جايت ايتارلىقتاي ۇلكەن سىن-تەگەۋرىن بولماق. بىزگە ساپالى كادرلارمەن جانە ماتەريالدىق-تەحنيكالىق قامتاماسىز ەتۋ قاجەت. وسى مىندەتتى شەشۋ باعىتىندا جۇمىس ىستەپ جاتىرمىز»، - دەدى اسحات ايماعامبەتوۆ.