ق ر ۇلتتىق ەكونوميكا مينيسترلىگى بيزنەستىڭ جەڭىلدىكپەن قارجى الۋىن كەڭەيتۋ ءۇشىن «دامۋ» قورى ارقىلى ەكى جاڭا قولداۋ قۇرالىن ىسكە قوستى. ولار كەز-كەلگەن اۋقىمداعى كومپانياعا، مەيلى ول كىشى بولسىن، مەيلى ءىرى بولسىن، كەپىل جەتكىلىكسىز بولعان كۇندە دە قارجى الۋعا مۇمكىندىك بەرەدى.
ءبىرىنشى قولداۋ قۇرالى قۇنى 7 ملرد تەڭگەدەن باستالاتىن اۋقىمدى جوباعا ەسەپتەلگەن. ونەركاسىپ، ەنەرگەتيكا، ينفراقۇرىلىم مەن ەكسپورتتى قوسا العاندا، ەكونوميكانىڭ نەگىزگى سالالارىن قامتيدى. مەملەكەت قارىزعا كەپىلدىك بەرگەندىكتەن، بۇل بانك ءۇشىن تاۋەكەلدى ازايتادى. وسىلايشا بيزنەستىڭ نەسيە الۋى جەڭىلدەيدى.
ەكىنشى قولداۋ شاعىن جانە ورتا كاسىپورىنعا جاسالادى. قۇنى 7 ملرد تەڭگەگە دەيىنگى جوبالارعا تيەسىلى. كاسىپكەرلەر قاجەتتى قارجىنى كەپىلسىز الادى. بۇگىنگى تاڭدا بەس بانكپەن كەلىسىمگە قول قويىلسا، تاعى ەكەۋى جۇمىس ۇستىندە. ارىپتەستەر ءتىزىمىن كەڭەيتۋ جۇمىسى ءجۇرىپ جاتىر.
باعدارلامانىڭ العاشقى ناتيجەسى دە بەلگىلى. جالپى سوماسى 3،3 ملرد تەڭگەگە 34 جوبا قولداۋ تاپقان. كەپىلدىك بەرۋ ءراسىمى جەڭىلدەتىلىپ، ەكى جۇمىس كۇنى ىشىندە ورىندالادى. مۇنى الۋشى – ءوندىرىس، كولىك، ءبىلىم بەرۋ سەكىلدى ءتۇرلى سالا وكىلى.
2025 جىلدىڭ سوڭىنا دەيىن 10 مىڭ جوبا قولداۋ تاپپاق. 2028 جىلعا قاراي كەپىلدىك پورتفەلىنىڭ كولەمى 1،4 ترلن تەڭگەگە جەتكىزىلەدى. وسىلايشا، جىل سايىن بيزنەستىڭ 50 مىڭنان استام باستاماسىنا قولداۋ كورسەتىلەدى.
بۇگىنگى تاڭداعى دامۋ قورىنىڭ ارىپتەستەرى بانك سەنتركرەديت، Halyk Bank، Freedom Bank، Fortebank، Bank RBK، Bereke Bank پەن قازاقستان–زيراات ينتەرنەشنل بانك. كاسىپكەرگە نەسيە سوماسىنىڭ 85%-نا دەيىن قوردىڭ كەپىلدىگى بەرىلگەندىكتەن، قارىزدى وڭاي الا الادى.
جاڭا تەتىكتەردىڭ ارقاسىندا قارجىلىق ينفراقۇرىلىم تۇراقتى تۇردە دامىپ، بانكتەردىڭ تاۋەكەلى ازايادى، وتاندىق بيزنەستىڭ ءوسۋ مۇمكىندىگىنە ۇلەس قوسىلادى.
بۇل باستامالار ەكونوميكالىق ءوسۋدى جەدەلدەتۋ شارالارى شەڭبەرىندە ىسكە اسىرىلۋدا. ەستەرىڭىزگە سالا كەتەيىك، بۇعان دەيىن 2025 جىلى «بايتەرەك» حولدينگىنىڭ كاپيتالىن 1 ترلن تەڭگەگە ۇلعايتۋ جوسپارلانعانى حابارلانعان. وسىنىڭ ارقاسىندا، 8 ترلن تەڭگەگە دەيىنگى قاراجاتتى جاڭا جوبالاردى ىسكە قوسۋعا ارناپ، ءوندىرىستىڭ قۋاتىن ۇلعايتۋعا، جوعارى ءونىمدى جۇمىس ورنىن قۇرۋعا مۇمكىندىك ارتادى.