قازاقستاندا اۆتوكولىك وتكىزۋ پۋنكتەرىن تولىققاندى جاڭعىرتۋ جالعاسۋدا.
بۇگىنگى تاڭدا جاڭارتۋ جۇڭگو، وزبەكستان جانە تۇرىكمەنستان شەكاراسىنداعى 9 باقىلاۋ-وتكىزۋ پۋنكتىنە قاتىستى، دەپ حابارلايدى aqshamnews.kz.
UKIMET تەلەگرامم كانالىنىڭ حابارلاۋىنشا، جوسپارلانعان جۇمىستار شەڭبەرىندە وتكىزۋ مۇمكىندىگىن تاۋلىگىنە 6 رەتكە دەيىن، ورتا ەسەپپەن 170-تەن 960 كولىككە دەيىن ارتتىرۋ سونداي-اق شەكارادان ءوتۋ ۋاقىتىن 30 مينۋتقا دەيىن قىسقارتۋ كۇتىلىپ وتىر. بيىل 9 باقىلاۋ-وتكىزۋ پۋنكتىن جاڭعىرتۋ جۇمىستارىن اياقتاۋ جوسپارلانىپ وتىر.
سونىمەن قاتار ەۋرازيا ەكونوميكالىق وداقتىڭ سىرتقى شەكاراسى بويىنشا بارلىق 10 اۆتوموبيلدىك شەكارا بەكەتىندە اۆتوماتتاندىرىلعان ەلەكتروندى كەزەك جۇيەسى ەنگىزىلدى. ونى «Qoldau.kz» پلاتفورماسىندا جانە «CargoRuqsat» ءموبيلدى قوسىمشاسى ارقىلى پايدالانۋعا بولادى.
جۇيەنى ەنگىزۋ رەسپۋبليكالىق ماڭىزى بار جولدار بويىندا اۆتوكولىكتەردىڭ جينالىپ قالۋىن بولدىرماۋعا مۇمكىندىك بەردى جانە تاسىمالداۋ پروسەسىنىڭ اشىقتىعىن قامتاماسىز ەتتى.
2025 جىلعى 1 قاڭتاردان باستاپ مەملەكەتتىك ساتىپ الۋداعى نەگىزگى وزگەرىستەر
پرەزيدەنت تاپسىرماسى بويىنشا مەملەكەتتىك ساتىپ الۋ جۇيەسىن جەتىلدىرۋ شەڭبەرىندە ەلىمىزدە 2025 جىلدىڭ 1 قاڭتارىنان باستاپ قولدانىسقا ەنگىزىلگەن «مەملەكەتتىك ساتىپ الۋ تۋرالى» جاڭا زاڭ ازىرلەندى. قۇجات تەندەر وتكىزۋ راسىمدەرىن وڭتايلاندىرۋعا، ساتىپ الىناتىن تاۋارلاردىڭ، جۇمىستاردىڭ، كورسەتىلەتىن قىزمەتتەردىڭ ساپاسىن ارتتىرۋعا، سونداي-اق وتاندىق وندىرۋشىلەردى قولداۋعا باعىتتالعان. اتاپ ايتقاندا، وزگەرىستەر كەلەسىلەرگە اسەر ەتتى:
-
كونكۋرس وتكىزۋ مەرزىمى قىسقارتىلدى (كونكۋرستىق قۇجاتتامانى تالقىلاۋ 5 جۇمىس كۇنىنەن 2 جۇمىس كۇنىنە دەيىن؛ وتىنىمدەردى قابىلداۋ 15 جۇمىس كۇنىنەن 5 جۇمىس كۇنىنە دەيىن؛ وتىنىمدەردى قاراۋ جانە قورىتىندىلاۋ 10 جۇمىس كۇنىنەن 3 جۇمىس كۇنىنە دەيىن)؛
-
قۇرىلىسقا بايلانىستى جۇمىس بويىنشا قوعامدىق مونيتورينگ ەنگىزىلۋدە. جۇمىستى ورىنداۋ كەستەلەرىن، شارتتاردىڭ ورىندالۋى تۋرالى ەسەپتەردى جالپىعا قولجەتىمدى ەتۋ، شارتتاردىڭ ورىندالۋىن باقىلاۋعا جۇرتشىلىقتى تارتۋ جوسپارلانۋدا؛
-
ساتىپ الۋ ناتيجەلەرىنە شاعىمدانۋدىڭ جاڭا ءتارتىبى ىسكە اسىرىلۋدا. ساتىپ الۋدى جەدەل جۇرگىزۋ جانە راسىمدەردىڭ كەشىكتىرىلۋىن بولدىرماۋ ماقساتىندا شاعىمداردى ساتىپ الۋدى ۇيىمداستىرۋشىنىڭ ءوزى قارايتىن بولادى.
-
از مولشەردەگى ساتىپ الۋلار بويىنشا 100 اەك-كە دەيىنگى تاۋارلاردى، 500 اەك-كە دەيىنگى جۇمىستار مەن قىزمەتتەردى ءبىر كوزدەن الۋ قۇقىعى ەنگىزىلدى. اۋىلدىق اكىمدىكتەر ءۇشىن ءبىر كوزدەن ساتىپ الۋدىڭ شەكتى مولشەرى 3 000 اەك-تەن 4 000 اەك-كە دەيىن ۇلعايتىلدى.
-
شاعىن جانە ورتا كاسىپكەرلىك سۋبەكتىلەرىن قولداۋ ماقساتىندا وسى ساناتتاعى سۋبەكتىلەردەن قۇنى 50 000 اەك-تەن اسپايتىن تاۋارلاردى، جۇمىستار مەن كورسەتىلەتىن قىزمەتتەردى ساتىپ الۋدىڭ باسىم قۇقىعى بەلگىلەندى؛
-
ىشكى نارىقتى قولداۋ ماقساتىندا ۇلتتىق رەجيمنەن الىپ تاستاۋدى بەلگىلەۋ ارقىلى ۆەب-پورتالدا وتاندىق ءوندىرىس تاۋارلارىن باسىمدىقپەن الۋ بويىنشا جۇمىس جالعاسادى؛
-
باسەكەلەستىكتى دامىتۋ جانە بيزنەستى قورعاۋ ماقساتىندا مەملەكەتتىك مەكەمەلەر جانە كۆازيمەملەكەتتىك سەكتور سۋبەكتىلەرى سانالاتىن ءونىم بەرۋشىلەردىڭ وتىنىمدەرىن جەكە كاسىپكەرلىك سۋبەكتىلەرى سانالاتىن ءونىم بەرۋشىلەردەن كەمىندە ەكى ءوتىنىم بولعان جاعدايدا ۆەب-پورتال اۆتوماتتى تۇردە قابىلدامايدى؛
-
باعالىق ەمەس كريتەرييلەردى دامىتۋ جانە جەرگىلىكتى جەتكىزۋشىلەردى قولداۋ ماقساتىندا اۋماقتىق بەلگى (1%-دان 2%-عا دەيىن) جانە تەرىس ماندەر (0.1%-دان 0.2%-عا دەيىن) تۇرىندەگى شارتتى جەڭىلدىكتەردى ەسەپتەۋ وزگەرتىلدى.