بۇل تۋرالى ۇكىمەت وتىرىسىندا اۋىل شارۋاشىلىعى ءمينيسترى ايداربەك ساپاروۆ مالىمدەدى.
وبلىس اكىمدىكتەرىنىڭ جەدەل دەرەكتەرىنە سايكەس، 2025 جىلعى ءونىم ءۇشىن اۋىل شارۋاشىلىعى تاۋار وندىرۋشىلەرىنە 2،3 ملن توننا تۇقىم قاجەت، بۇگىندە بۇل كولەم تولىق قامتاماسىز ەتىلدى. الدىن الا جۇرگىزىلگەن ساراپتاما ناتيجەسىندە 1،6 ملن توننا تۇقىمنىڭ ساپاسى تەكسەرىلدى. تۇقىمدى جاپپاي تەكسەرۋ ناۋرىز ايىنىڭ سوڭىنا دەيىن اياقتالادى، دەپ حابارلايدى aqshamnews.kz.
«وتكەن جىلى العاش رەت وتاندىق تىڭايتقىش وندىرۋشىلەرىنە اۆانستىق سۋبسيديالاۋ تەتىگى ەنگىزىلدى. بۇل مەحانيزم تىڭايتقىشتاردى شارۋالار ءۇشىن قولجەتىمدى ەتتى: ناتيجەسىندە ولاردى ەنگىزۋ دەڭگەيى العاش رەت عىلىمي نەگىزدەلگەن قاجەتتىلىكتىڭ 40%-دان اسىپ، الدىڭعى جىلدارى 21%-دان اسپاعان كورسەتكىشتەن ەداۋىر جوعارى بولدى»، – دەدى ايداربەك ساپاروۆ.
2025 جىلى تىڭايتقىش ەنگىزۋ جوسپارى 1،9 ملن توننانى نەمەسە عىلىمي نەگىزدەلگەن قاجەتتىلىكتىڭ 59%-ىن قۇرايدى. قازىرگى ۋاقىتتا تىڭايتقىش وندىرۋشىلەر مەن جەتكىزۋشىلەر كەلىسىمشارت جاساسۋ جانە قويمالاردا قور قالىپتاستىرۋ جۇمىستارىن جۇرگىزۋدە.