پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ءبىلىم جانە عىلىم ءمينيسترى اسحات ايماعامبەتوۆ 2025 جىلعا قاراي ستۋدەنتتەردىڭ ستيپەندياسى ەكى ەسە وسەتىنىن تۋرالى مالىمدەدى، - دەپ حابارلايدى almaty-akshamy.kz
ول نەگىزىنەن بىرنەشە باعىتتاردى قامتيدى. اتاپ ايتساق: وڭتايلى باسقارۋ جۇيەسى، اكدەميالىق ساياسات، ءبىلىم باعدارلامالارىنىڭ ساپاسى، قولجەتىمدى قارجىلاندىرۋ، كاسىبي وقىتۋشىلار قۇرامى مەن اكادەميالىق ادالدىق پرينسيپتەرىن ساقتاۋ جانە ساپانى قامتاماسىز ەتۋدىڭ ءتيىمدى جۇيەسى.
ەلىمىزدىڭ 122 ۋنيۆەرسيتەتىنىڭ جارتىسى جەكەمەشىك ۇيىمدار. باكالاۆريات، ماگيستراتۋرا مەن دوكتورانتۋرا دەڭگەيلەرىندە 600 مىڭنان استام ستۋدەنت ءبىلىم الۋدا. قازاقستاننىڭ 14 جوعارى وقۋ ورىنى دۇنيەجۇزىلىك ەڭ ۇزدىك ۋنيۆەرسيتەتتەر رەيتينگىندە.
«سوڭعى جىلدارى گرانتتار سانى 2 ەسەگە جۋىق ءوستى. ەندى 2025 جىلعا قاراي كەزەڭ-كەزەڭمەن گرانت سانى 75 مىڭعا دەيىن جەتەدى. مەملەكەت باسشىسى تاپسىرماسىنىڭ اياسىندا ستۋدەنتتەردىڭ ستيپەندياسى دا ەكى ەسەگە جۋىق ءوسىپ، 2025 جىلعا قاراي ولاردىڭ ستيپەندياسى تاعى 2 ەسەگە، ال ماگيسترانتتار مەن دوكتورانتتاردىڭ ستيپەندياسى 1،5 ەسەگە ارتادى»، — دەدى ا. ايماعامبەتوۆ.