الماتى قالاسىن 2025 جىلعا دەيىن جانە ورتا مەرزىمدى پەرسپەكتيۆالاردى 2030 جىلعا دەيىن دامىتۋ باعدارلاماسى تۇجىرىمداماسىنا سايكەس، 2025 جىلعا دەيىن الماتى قالاسىندا قىزمەتتەردىڭ بەلگىلى ءبىر كەشەنىمەن - كوۆوركينگ جانە event-الاڭدارىمەن، بالالارعا ارنالعان تەگىن شىعارماشىلىق ۇيىرمەلەرمەن، شەبەرلىك ساعاتتارى مەن تۇساۋكەسەرلەرگە ارنالعان الاڭدارمەن، زاماناۋي ءدارىسحاناسى بار مەدياتەكاسىمەن 3 كرەاتيۆتى حاب قۇرۋ جوسپارلانىپ وتىر، دەپ حابارلايدى اlmaty-akshamy.kz.
كرەاتيۆتى جانە IT يندۋستريانىڭ، ەكو جانە الەۋمەتتىك باستامالاردىڭ، زاماناۋي ونەر مەن يننوۆاسيالىق-تەحنولوگيا بيزنەسىنىڭ سينەرگەتيكا ورتالىعى بۇرىنعى ترامۆاي دەپوسىنىڭ بازاسىندا «Depo Art and Science Center» بولادى. ءتيىستى شارالار ەنگىزىلدى.
سونداي-اق، الداعى ءۇش جىلدا جالپى الاڭى 15 مىڭ شارشى مەترگە دەيىن بولاتىن، ءارى قاراي 2030 جىلعا قاراي 30 مىڭ شارشى مەترگە دەيىن كەڭەيتۋ مۇمكىندىگىمەن Almaty Digital City IT-حابىن قۇرۋ جوسپارلانىپ وتىر. ونى قۇرۋعا نەگىزىنەن كەمىندە 10 ملن. اقش دوللارى سوماسىندا جەكە ينۆەستيسيالار تارتىلاتىن بولادى. IT-حاب قالانىڭ جاڭا تارتىمدى ورتالىعىنا، IT دامىتۋ ورتالىعىنا جانە ەكوجۇيەلەردىڭ ستارتاپتارىنا اينالادى، وندا اينالىمدى، ساتىلىمدى، ينۆەستيسيالار تارتۋدى جانە ەكسپورت نارىقتارىنا شىعۋدى ارتتىرۋ ءۇشىن، قولداۋ كورسەتۋ جانە ينكۋباسيا مەن اكسەلەراسيا باعدارلاماسى ارقىلى وقىتۋ جۇزەگە اسىرىلاتىن بولادى.
IT-حابتا كەمىندە 100 قازاقستاندىق جانە شەتەلدىك كومپانيالار، ونىڭ ىشىندە، «AstanaHub» قىزمەت ەتۋدىڭ حالىقارالىق كلاسسيفيكاسياسى ادىستەمەسى بويىنشا جۇمىس ىستەيتىن ستارتاپتار ورنالاستىرىلاتىن بولادى.
كرەاتيۆتى جانە IT-حابتار اشۋ يننوۆاسيالاردى دامىتۋ ءۇشىن ەكوجۇيە قۇرۋعا، بارلىق قاتىسۋشىلاردىڭ ءبىر جەردە شوعىرلانۋىنىڭ ەسەبىنەن سينەرگەتيكالىق اسەرگە قول جەتكىزۋگە مۇمكىندىك بەرەدى. قوسىمشا رەتىندە، كرەاتيۆتى يندۋستريانى دامىتۋ ءۇشىن جەكە ينۆەستيسيالاردى تارتا وتىرىپ، حالىقارالىق دەڭگەيدەگى بەينە- جانە دىبىس جازۋدىڭ ەكى ستۋدياسىنىڭ قۇرىلىسى، 2030 جىلعا قاراي شامامەن 5 مىڭ باعدارلاماشىلاردى دايىنداۋ بويىنشا TechOrda باعدارلاماسىن ىسكە قوسۋ، كينو، ساحنالىق ونەر، مۋزىكا، سيفرلىق ويىن-ساۋىقتار، ديزاين جانە ءسان سالالارىنداعى جوبالاردى قولداۋعا 20 ملرد تەڭگە باستاپقى كاپيتالىمەن قالالىق ۆەنچۋرلىق قور قۇرۋ سەكىلدى باستامالاردى ىسكە اسىرۋ جوسپارلانىپ وتىر. بۇدان باسقا، 2025 جىلعى مەرزىمگە دەيىن الماتىدا "كرەاتيۆتى قالا" جاڭا كراۋدفاندينگتىك ونلاين پلاتفورماسىن ەنگىزۋ جوسپارلانىپ وتىر، ول مەگاپوليستىڭ كرەاتيۆتى قاۋىمداستىقتارىنىڭ كۇشتەرىن بارىنشا بىرىكتىرۋگە مۇمكىندىك بەرەدى.
قويىلعان مىندەتتەردى ىسكە اسىرۋ كرەاتيۆتى جانە IT يندۋسترياسىن جالپى وڭىرلىك ونىمدەگى كرەاتيۆتى يندۋستريانىڭ سالىمىن 5%-عا دەيىن جەتكىزە وتىرىپ جانە كورسەتىلەتىن قىزمەتتەر ەكسپورتىن 500 ملن. اقش دوللارىنا دەيىن ارتتىرا وتىرىپ، ەكونوميكالىق ماڭىزى بار يندۋسترياعا قايتا قۇرۋعا مۇمكىندىك بەرەدى.
انىقتاما ءۇشىن:
2022 جىلعى 1 شىلدەدەگى مالىمەت بويىنشا،الماتى قالاسىنىڭ 20،4 مىڭ كوماپانياسى كرەاتيۆتى يندۋستريانىڭ بەلسەندى ارەكەت ەتىپ جۇرگەن سۋبەكتىلەرى بولىپ تابىلادى. 2017 جىلدان بەرى ەڭ ۇلكەن ءوسىمدى اقپاراتتىق جۇيەلەردى جوبالاۋ جانە باعدارلامالىق قامتاماسىزدىقتى ازىرلەۋ، ۆەب-پورتالدار، مۋزىكا، كينويندۋستريا، جارناما، ماركەتينگ، ءبىلىم بەرۋ جانە مادەنيەت بويىنشا قىزمەتتەرى كورسەتتى.