سۋ رەسۋرستارى جانە يرريگاسيا مينيسترلىگى 134 گيدروتەحنيكالىق قۇرىلىستى كوپفاكتورلى تەكسەرۋدەن وتكىزىپ جاتىر. جالپى العاندا 2028 جىلدىڭ سوڭىنا دەيىن 557 نىساندا تەكسەرىس جۇرگىزىلەدى.
كوپفاكتورلى تەكسەرىس نىساننىڭ جانە ونداعى جابدىقتاردىڭ تەحنيكالىق جاعدايىن، سونداي-اق قاجەت بولاتىن جوندەۋ جۇمىستارىنىڭ كولەمى مەن تۇرلەرىن انىقتاۋعا مۇمكىندىك بەرەدى.
بىلتىر مينيسترلىك ەلىمىزدىڭ 14 وبلىسىنداعى 84 نىساندا كوپفاكتورلى تەكسەرۋ جۇمىستارىن جۇرگىزگەن بولاتىن. بۇل باستاپقىدا جوسپارلانعاننان كوپ.
«جاڭا سۋ كودەكسىنە سايكەس، گيدروتەحنيكالىق نىسانداردىڭ يەلەرى ءار بەس جىل سايىن وزدەرىنە تيەسىلى قۇرىلىستارعا كوپفاكتورلى تەكسەرۋ جۇرگىزۋگە مىندەتتى. تەكسەرىس ناتيجەسىندە قاۋىپسىزدىك دەكلاراسياسى جاسالىپ، ول باسسەيندىك سۋ ينسپەكسياسىندا تىركەلۋى قاجەت»، – دەدى سۋ رەسۋرستارى جانە يرريگاسيا ۆيسە-مينيسترى ەربولات يبرايحانوۆ.