وقۋ-اعارتۋ مينيسترلىگى 2025-2026 وقۋ جىلى قاشان باستالاتىن، اياقتالاتىن جانە كانيكۋل كەزەڭدەرىن ايتتى، - دەپ حابارلايدى aqshamnews.kz ءتىلشىسى.
وقۋ 2025 جىلعى 2 قىركۇيەكتە باستالىپ، 2026 جىلعى 25 مامىردا اياقتالادى. ءبىلىم كۇنىنە ارنالعان سالتاناتتى جيىننىڭ ۋاقىتى مەن كۇنى مەكتەپتىڭ پەداگوگيكالىق كەڭەسىنىڭ شەشىمىمەن بەلگىلەنەدى.
- ءبىرىنشى توقساندا وقۋ ۋاقىتى - 8 اپتا. كۇزگى كانيكۋل 2025 جىلعى 27 قازاندا باستالىپ، 2 قاراشانى قوسا العاندا 7 كۇنگە سوزىلادى.
- ەكىنشى توقسان 8 وقۋ اپتاسىنان تۇرادى. قىسقى كانيكۋل 2025 جىلعى 29 جەلتوقساندا باستالىپ، 2026 جىلعى 7 قاڭتاردى قوسا العاندا 10 كۇنگە جالعاسادى.
- ءبىرىنشى سىنىپ وقۋشىلارى ءۇشىن قوسىمشا دەمالىس 2026 جىلعى 9 اقپاننان باستالىپ، 15 اقپاندى قوسا العاندا 7 كۇنگە سوزىلادى.
- ءۇشىنشى توقسان 10 وقۋ اپتاسىنان تۇرادى. كوكتەمگى كانيكۋل 2026 جىلعى 19 ناۋرىزدا باستالىپ، 29 ناۋرىزدى قوسا العاندا 11 كۇنگە سوزىلادى.
- ءتورتىنشى توقساننىڭ ۇزاقتىعى - 8 وقۋ اپتاسى، وقۋ جىلى 2026 جىلعى 25 مامىردا اياقتالادى.
