2024 جىلدىڭ قاراشا ايىندا GlobalStats مالىمەتتەرى بويىنشا، قازاقستانداعى ءموبيلدى تەلەفون نارىعىندا ەڭ تانىمال برەند Apple بولدى. ونىڭ نارىقتاعى ۇلەسى 38،7%-دى قۇرادى، بۇل ءداستۇرلى تۇردە Apple كومپانياسىنىڭ قازاقستانداعى نارىقتا سۇرانىستىڭ جوعارى ەكەنىن كورسەتەدى، دەپ حابارلايدى aqshamnews.kz.
نارىقتاعى ۇلەسى 22،6%،-بەن ەكىنشى ورىندا Samsung تۇر. ال ءۇشىنشى ورىندا Xiaomi (16،6%) ورنالاسسا، ءتورتىنشى ورىنعا Oppo (5،3%)، بەسىنشى ورىنعا Vivo (4%) جايعاستى.
الەمدىك ساۋدادا Apple 27،7% نارىق ۇلەسىمەن ءبىرىنشى ورىندا، ەكىنشى ورىنعا 23،3%-بەن Samsung ورىن تەپتى. ال Xiaomi 11،1% ۇلەسپەن ءۇشىنشى ورىندى يەلەنگەن. Vivo مەن Oppo سايكەسىنشە 6% جانە 5،7% نارىق ۇلەستەرىنە يە.
Business Insider ساراپشىلارى 2024 جىلعا ارنالعان ەڭ جاقسى سمارتفون رەتىندە iPhone 16-نى اتاپ ءوتتى. بۇل مودەلدىڭ جوعارى باعالانۋ سەبەبى – ونىڭ جوعارى ونىمدىلىگى، ساپالى كامەراسى، باتارەيانىڭ ۇزاق جۇمىس ىستەۋ مەرزىمى جانە Apple ەكوجۇيەسىمەن ۇيلەسىمدىلىگى. سونىمەن قاتار، iPhone 16 ساپا مەن باعانىڭ تاماشا ۇيلەسىمىمەن ەرەكشەلەنەدى.
2024 جىلدىڭ قىركۇيەك ايىنداعى دەرەكتەرگە سۇيەنسەك، iPhone 16 ەڭ ارزان باعامەن قىتايدا ساتىلعان – 842 اقش دوللارى. سونىمەن قاتار، ەڭ تومەنگى باعا ۇسىنىلعان ەلدەردىڭ قاتارىندا جاپونيا (877 اقش دوللارى)، اقش (879 اقش دوللارى)، گونكونگ (885 اقش دوللارى) جانە تايلاند (889 اقش دوللارى) دا بار.
ءبىراق iPhone 16 باعاسى ەڭ جوعارى كورسەتكىشكە تۇركيادا جەتتى، وندا ونىڭ باعاسى شامامەن 1 900 اقش دوللارىن قۇرادى. سونىمەن قاتار، برازيليادا دا iPhone 16 باعاسى جوعارى بولدى – 1 400 اقش دوللار.
قازاقستاندا 2025 جىلدىڭ 12 قاڭتارىنداعى جاعداي بويىنشا، iPhone 16-نىڭ باعاسى تانىمال دۇكەندەردە ورتاشا ەسەپپەن 609 990 تەڭگەنى قۇرادى، بۇل شامامەن 1 100 اقش دوللارىنا تەڭ. بۇل باعا قازاقستانداعى iPhone 16 ساتىپ الۋ ءۇشىن قولايلى نۇسقا بولىپ تابىلادى.
2024 جىلى قازاقستاندا جانە الەمدە ءموبيلدى تەلەفوندار نارىعىندا Apple كومپانياسى جەتەكشى ورىنداردا. iPhone 16، ءوز ساپاسى مەن ونىمدىلىگى ارقاسىندا، كوپتەگەن ەلدەردە ەڭ جاقسى سمارتفون رەتىندە تانىلدى. ونىڭ باعاسى ءار ەلدە ءارتۇرلى بولعانىمەن، قازاقستاندا بۇل مودەلدى ساتىپ الۋ ءالى دە ءتيىمدى.