«اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسىنىڭ شەڭبەرىندە 2024 جىلى 263 مەديسينالىق-سانيتاريالىق العاشقى كومەك نىسانى (مساك) اياقتالىپ، پايدالانۋعا بەرىلدى.
ونىڭ ىشىندە وڭىرلەردىڭ كارتاسىندا 47 دارىگەرلىك امبۋلاتوريا، 101 فەلدشەرلىك-اكۋشەرلىك پۋنكت، 115 مەديسينالىق پۋنكت پايدا بولدى، دەپ حابارلايدى aqshamnews.kz.
بيىلعى جىلى ۇلتتىق جوبانى ىسكە اسىرۋ بويىنشا كوشباسشىلاردىڭ قاتارىندا: 38 نىسان سالىنعان سولتۇستىك قازاقستان وبلىسى، 37 نىسان سالىنعان تۇركىستان وبلىسى، 18 نىسان سالىنعان جامبىل وبلىسى، 19 نىسان سالىنعان قوستاناي وبلىسى، 24 نىسان سالىنعان اقمولا وبلىسى بار.
ۇلتتىق جوبانىڭ شەڭبەرىندە اۋىلدىق ەلدى مەكەندەردە بارلىعى 655 مساك نىسانىن سالۋ جوسپارلانعان، وعان 257 مەديسينالىق پۋنكت، 238 فاپ، 160 دارىگەرلىك امبۋلاتوريا سالۋ كىرەدى.
اۋىل تۇرعىندارىنا شۇعىل مەديسينالىق كومەك كورسەتۋدىڭ ۋاقتىلىعىن ارتتىرۋ ماقساتىندا 32 زاماناۋي كوپبەيىندى اۋداندىق ورتالىق اۋرۋحانانى جاڭعىرتۋ جوسپارلانعان.
مەملەكەت باسشىسىنىڭ تاپسىرماسى بويىنشا ىسكە اسىرىلاتىن اۋىلدىق اۋرۋحانانىڭ ينفراقۇرىلىمىن جاڭارتۋ جونىندەگى ۇلتتىق جوبا اۋىل تۇرعىندارىنىڭ دەنساۋلىق جاعدايىن جاقسارتۋعا باعىتتالعان. قازىرگى زامانعى جابدىقتارمەن جاراقتاندىرىلعان جەتىسپەيتىن مەديسينالىق-سانيتاريالىق العاشقى كومەك ۇيىمدارىن سالۋ اۋىلداعى مەديسينالىق قىزمەتتەردىڭ، ونىڭ ىشىندە پروفيلاكتيكالىق قاراپ-تەكسەرۋلەردىڭ، سكرينينگتەردىڭ، جۇكتى ايەلدەر مەن بالالاردى پاتروناجداۋدىڭ قولجەتىمدىلىگى مەن ساپاسىن ارتتىرۋعا، ديسپانسەرلىك ناۋقاستاردى بايقاۋعا، امبۋلاتوريالىق وڭالتۋعا جانە مەديسينالىق كومەكتىڭ باسقا دا تۇرلەرىنە مۇمكىندىك بەرەدى.