مينيستر ايداربەك ساپاروۆتىڭ توراعالىعىمەن وتكەن قازاقستان رەسپۋبليكاسى اۋىل شارۋاشىلىعى مينيسترلىگىنىڭ كەڭەيتىلگەن القا وتىرىسىندا 2024 جىلى اگروونەركاسىپتىك كەشەنگە ينۆەستيسيالار تارتۋ جونىندەگى جۇمىستىڭ ناتيجەلەرى ايتىلدى، دەپ حابارلايدى aqshamnews.kz.
2024 جىلى اوك نەگىزگى كاپيتالىنا ينۆەستيسيالار 1،1 ترلن تەڭگەدەن استى، ونىڭ ىشىندە 919 ملرد تەڭگە اۋىل جانە بالىق شارۋاشىلىعىنا (ءوسىم - 102%)، ازىق - تۇلىك وندىرىسىنە - 181 ملرد تەڭگە (ءوسىم-115%) باعىتتالدى.
286 جوبا پايدالانۋعا بەرىلدى.
جەرگىلىكتى اتقارۋشى ورگاندارمەن بىرلەسىپ 2025-2027 جىلدارعا ارنالعان اوك ينۆەستيسيالىق جوبالارىن ىسكە اسىرۋ بويىنشا جول كارتاسى ازىرلەندى، ونىڭ شەڭبەرىندە 2،4 ترلن تەڭگە سوماسىنا 632 جوبانى ىسكە اسىرۋ جوسپارلانۋدا. 2025 جىلى 264 جوبا، 2026 جىلى – 249، 2027 جىلى – 119 جوبا ىسكە قوسىلادى دەپ جوسپارلانعان.
نەگىزگى ينۆەستيسيالار اۋىل شارۋاشىلىعى ونىمدەرىن قايتا وڭدەۋ، قۇس شارۋاشىلىعى سالاسىنداعى جوبالارعا، جىلىجاي كەشەندەرىنە باعىتتالاتىن بولادى.
ولاردىڭ ىشىندە قۋاتتىلىعى 10 000 توننا جىلىجاي كەشەنى، قۋاتتىلىعى 30 000 گا تامشىلاتىپ سۋارۋ جۇيەلەرىن ورناتۋ، تۇركىستان وبلىسىندا 150 000 تونناعا جۇگەرىنى تەرەڭ وڭدەۋ جوباسى، شقو-دا قۋاتتىلىعى 50 000 توننا ماي زاۋىتى بار. الماتى وبلىسىندا قۋاتتىلىعى 8 700 توننا قۇس فابريكاسىن اشۋ جوسپارلانۋدا، اقتوبە وبلىسىندا قۋاتتىلىعى 2 500 توننا ءجۇن وڭدەۋ زاۋىتى پايدالانۋعا بەرىلەدى.
شەتەلدىك ينۆەستيسيالاردى تارتۋ بويىنشا جۇمىس جالعاسۋدا: PepsiCo جانە Mars ترانسۇلتتىق كومپانيالارى 500 ملن.اقش دوللارى سوماسىنا جوبالاردى ىسكە اسىرۋدا، Tiryaki، Dalian Hesheng Holdings Group Co، Fufeng Group جانە باسقالارى بيداي مەن جۇگەرىنى تەرەڭ وڭدەۋ بويىنشا جوبالاردى ىسكە اسىرۋدا، Alarko Holding، "ەكو-مادەنيەت" جىلىجاي شارۋاشىلىقتارىن دامىتۋدا.
وتىرىس سوڭىندا مينيستر 2025 جىلعا جوسپارلانعان ينۆەستيسيالىق جوبالاردى ۋاقتىلى پايدالانۋعا بەرۋدى قامتاماسىز ەتۋدى، سالاعا 2،0 ترلن تەڭگەدەن استام ينۆەستيسيا تارتۋ جونىندەگى جۇمىستى جانداندىرۋدى تاپسىردى.