جۇلدىز سۇلەيمەنوۆا: «2024 جىل – ەلىمىز ءۇشىن ايەل قۇقىقتارىن قورعاۋ باعىتىندا ماڭىزدى وزگەرىستەر اكەلگەن تاريحي جىل بولدى»
– 2024 جىل – ەلىمىز ءۇشىن ايەل قۇقىقتارىن قورعاۋ باعىتىندا ماڭىزدى وزگەرىستەر اكەلگەن تاريحي جىل بولدى. مەملەكەت باسشىسى قاسىم-جومارت كەمەل ۇلى توقايەۆتىڭ ساياسي شەشىمدەرى جانە ءتيىمدى رەفورمالارىنىڭ اياسىندا ايەلدەردىڭ ەكونوميكالىق، ساياسي جانە الەۋمەتتىك مۇمكىندىكتەرى جىل ساناپ كەڭەيۋدە. سوڭعى 3 جىلدا بۇۇ دامۋ باعدارلاماسىنىڭ گەندەرلىك الەۋمەتتىك نورمالار يندەكسىنە سايكەس، ەلىمىز 18 پوزيسياعا كوتەرىلىپ، ايەلدەردىڭ ءبىلىم، ەكونوميكا جانە ساياسي قاتىسۋداعى گەندەرلىك الشاقتىقتى ازايتۋدا الەمدىك ارەنادا ءوز ورنىمىزدى نىقتاي تۇستىك.
بۇل تۋرالى ول پرەزيدەنت قاسىم-جومارت توقايەۆتىڭ ساياسي رەفورمالارىن ىسكە اسىرۋ – مەملەكەتتىك قۇرىلىستىڭ جاڭا تاريحي كەزەڭىنە ارنالعان ءماجىلىستىڭ جالپى وتىرىسىندا ايتتى.