بيىل وقۋعا تاپسىراتىندار سانى بىلتىرعىمەن سالىستىرعاندا 10 مىڭ ادامعا كوپ بولماق.
وقۋ-اعارتۋ مينيسترلىگىنىڭ مالىمەتىنە سۇيەنسەك، جاڭا وقۋ جىلىندا مەملەكەتتىك ءبىلىم بەرۋ تاپسىرىسى بويىنشا 145 مىڭ ابيتۋريەنت قابىلدانادى دەپ جوسپارلانىپ وتىر، دەپ حابارلايدى Almaty-akshamy.kz
"مەملەكەتتىك ءبىلىم بەرۋ تاپسىرىسى تەحنيكالىق، ياعني گەولوگيا، ماشينا قۇراستىرۋ، ەنەرگەتيكا، ءىت، مەتاللۋرگيا، كولىك جانە تاعى باسقا ماماندىقتار بويىنشا كوبەيتىلدى. سونىمەن قاتار بيىل ءۇشىنشى جىل قاتارىنان كوللەدج ابيتۋريەنتتەردى جۇمىسقا ورنالاستىرۋ مىندەتتەمەسىمەن كاسىپورىنداردىڭ وتىنىمدەرى بويىنشا قابىلدايدى. بۇل جىل سايىن ەڭبەك نارىعىنىڭ سۇرانىسىنا ساي ماماندىقتارعا 10 مىڭ ستۋدەنتتى قابىلداۋعا مۇمكىندىك بەرەدى"، - دەپ حابارلادى مينيسترلىك وكىلدەرى.