قازاقستاندا 6،6 ملن جۇمىس ىستەيتىن ازامات مىندەتتى الەۋمەتتىك ساقتاندىرۋ جۇيەسىنە قاتىسادى
ەلىمىزدە 2023 جىلدان باستاپ مۇگەدەكتىك جانە اسىراۋشىسىنان ايىرىلۋ بويىنشا الەۋمەتتىك تولەمدەر وسەدى، دەپ حابارلادى Almaty-akshamy.kz پرەمەر-مينيستردىڭ اقپاراتتىق رەسۋرسىنا سىلتەمە جاساپ.
2023 جىلعى 1 قاڭتارعا دەيىن مەملەكەتتىك الەۋمەتتىك ساقتاندىرۋ قورىنان ەڭبەك ەتۋ قابىلەتىنەن ايىرىلۋ جانە اسىراۋشىسىنان ايىرىلۋ جاعدايلارىنا تاعايىندالعان الەۋمەتتىك تولەمدەردىڭ مولشەرىن 2023 جىلعى 1 قاڭتاردان باستاپ 8،5 پايىزعا ارتتىرۋ جۇرگىزىلسىن، – دەپ جازىلعان قاۋلىدا.
وسى قاۋلى 2023 جىلعى 1 قاڭتاردان باستاپ قولدانىسقا ەنگىزىلەدى.
ايتا كەتەيىك، قازاقستاندا 6،6 ملن جۇمىس ىستەيتىن ازامات مىندەتتى الەۋمەتتىك ساقتاندىرۋ جۇيەسىنە قاتىسادى. مەملەكەتتىك قوردان تولەنەتىن الەۋمەتتىك تولەمدەردى جىلىنا 1،1 ملن ازامات الادى.