پاندەميا جاعدايى ماسەلەنى ۇشىقتىردى
2022 جىلعى ازيا ويىندارى كەيىنگە قالدىرىلدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ازيا ويىندارى بيىل 10-25 قىركۇيەك ارالىعىندا قىتايدىڭ حانچجوۋ قالاسىندا وتكىزىلۋى جوسپارلانعان ەدى. ازيا ويىندارىن كەيىنگە قالدىرۋ جونىندەگى شەشىم وزبەكستان استاناسى تاشكەنت قالاسىندا وتكەن ازيا وليمپيادالىق كەڭەسى اتقارۋ كوميتەتىنىڭ وتىرىسىندا قابىلداندى.
«حانچجوۋداعى ازيا ويىندارىنىڭ ۇيىمداستىرۋ كوميتەتى جاھاندىق پروبلەمالارعا قاراماستان، جوسپارلانعان ۋاقىتتا ويىنداردى وتكىزۋگە وتە جاقسى دايىندالدى. جوعارىداعى شەشىم پاندەميا جاعدايى مەن ويىن اۋقىمىن مۇقيات قاراستىرعاننان كەيىن قابىلداندى. ازيا ويىندارىنىڭ اتاۋى مەن ەمبلەماسى وزگەرىسسىز قالادى»، - دەلىنگەن ازيا وليمپيادالىق كەڭەسىنىڭ حابارلاماسىندا.