بيىل 349 800 تەڭگەگە بيزنەس سۋبەكتىلەرىنىڭ قۇقىقتارى قورعالدى.
الماتى قالاسىنىڭ كاسىپكەرلەر پالاتاسىنىڭ ديرەكتورى ايتۋار قوشمامبەتوۆ وڭىرلىك كوممۋنيكاسيالار قىزمەتى الاڭىندا ءوتىپ بارا جاتقان 2022 جىلدىڭ قورىتىندىسىن جاسادى، دەپ حابارلايدى Almaty-akshamy.kz.
ول مامىر، قىركۇيەك ايلارىندا الماتى قالاسىندا قازاقستان رەسپۋبليكاسى «اتامەكەن» ۇلتتىق كاسىپكەرلەر پالاتاسىنىڭ ءتورالقا ءتوراعاسى ر.ا. باتالوۆ جانە الماتى قالاسىنىڭ اكىمى ەربولات دوسايەۆپەن كاسىپكەرلەردىڭ كەزدەسۋلەرى وتكەنىن ايتتى.
اتالعان كەزدەسۋلەر بارىسىندا ايتىلعان ماسەلەلەر ۇكپ جۇمىسىنداعى رەسپۋبليكالىق ماڭىزى بار تىزىلىمگە قوسىلعان.
ماسەلەن:
- الماتى قالاسى المالى اۋدانىنىڭ پروكۋراتۋراسىمەن بىرلەسىپ، قوعامدىق تاماقتاندىرۋ سالاسىمەن اينالىساتىن 8 كاسىپكەرگە اكىمشىلىك قۇقىق بۇزۋشىلىق تۋرالى حاتتامالاردى جويۋ بويىنشا كومەك كورسەتىلدى. 349 800 تەڭگەگە بيزنەس سۋبەكتىلەرىنىڭ قۇقىقتارى قورعالدى.
- «Solva» ميكروقارجى ۇيىمىنىڭ ءوتىنىشى بويىنشا، پالاتانىڭ كومەگىمەن قالادا كاسىپكەردىڭ جارنامالىق نىساندارىن ورنالاستىرۋعا تىيىم سالۋ تۋرالى شەشىمنىڭ كۇشى جويىلدى. پروكۋراتۋرامەن قالالىق جوسپارلاۋ جانە ۋربانيستيكا باسقارماسىنا قاتىستى قاداعالاۋ اكتىسى ەنگىزىلىپ، كىنالى لاۋازىمدى تۇلعالار تارتىپتىك جاۋاپكەرشىلىككە تارتىلدى.
ەسەپتى كەزەڭدە پالاتا 203 نورماتيۆتىك قۇقىقتىق اكتىنىڭ جوباسىنا ساراپتاما جۇرگىزدى. 30 جوباعا ەسكەرتۋلەر جولداندى. نەگىزىنەن، ەسكەرتۋلەر تاريفتەردىڭ، سالىق مولشەرلەمەلەرىنىڭ نەگىزسىز كوتەرىلۋىنە جانە ەكونوميكالىق ەسەپتەردىڭ جوقتىعىنا قاتىستى.
2022 جىلى كەڭەستىڭ 10 وتىرىسى ءوتتى. 22 پروبلەمالىق ماسەلە قارالدى. 7 لاۋازىمدى تۇلعانى جاۋاپكەرشىلىككە تارتۋ شارالارى قابىلداندى.
ماسەلەن، 2022 جىلى «مەدەۋ» مۇز ايدىنىنان «شىمبۇلاق» تاۋ-شاڭعى كۋرورتىنا تاكسي – ەلەكتر كولىكتەردىڭ جۇرۋىنە بۇدان بۇرىن نەگىزسىز تىيىم سالىنعان بولاتىن.
اكىمدىكتىڭ «الماتى قالاسىنىڭ جەكەلەگەن اۋماقتارىنا كولىك قۇرالدارىنىڭ كىرۋىنە شەكتەۋ قويۋ تۋرالى» قاۋلىسىنا سايكەس، اۋداندا تۇراتىن جانە (نەمەسە) جۇمىس ىستەيتىن جەكە جانە زاڭدى تۇلعالارعا تيەسىلى جانە (نەمەسە) قىزمەت كورسەتەتىن كولىك قۇرالدارى جانە ەلەكترمەن جۇرەتىن كولىكتەر، كوممۋنالدىق قىزمەت كولىكتەرىنىڭ ءجۇرۋىن قوسپاعاندا، «شىمبۇلاق» شاتقالىنىڭ ەرەكشە قورعالاتىن تابيعي ايماعىنا كولىكتەردىڭ كىرۋىنە شەكتەۋ قويىلدى.
كەڭەستىڭ ءار ءتۇرلى وتىرىستارىندا بۇل ماسەلە ءۇش رەت كوتەرىلدى.
ناتيجەسىندە، پالاتانىڭ باستاماسىمەن الماتى قالاسىنىڭ تابيعاتتى قورعاۋ پروكۋراتۋراسى «مەدەۋ» ساياباعىنا ۇسىنىس ەنگىزىپ، ونىڭ قورىتىندىسى بويىنشا، ساياباق ەلەكتروكولىكتەرمەن جۇرەتىن بارلىق تاكسوپاركتەرگە كولىكپەن ءجۇرۋدى قامتاماسىز ەتۋ تۋرالى شەشىم قابىلدادى.