2021 جىلى قالا تۇرعىندارىنىڭ باستاماسىمەن «حالىقتىڭ بيۋدجەتكە قاتىسۋى» باعدارلاماسى بويىنشا 256 جوبا جۇزەگە استى، دەپ حابارلايدى اlmaty-akshamy.kz.
باسپا ءسوز تۋرى بارىسىندا «حالىقتىڭ بيۋدجەتكە قاتىسۋى» باعدارلاماسى اياسىندا جۇزەگە اسىرىلعان جوبالار ۇسىنىلدى. ولاردىڭ ىشىندە: سپورت الاڭى، سكۆەر، ۆوركاۋت ايماعى، ويىن الاڭى، يتتەردى سەرۋەندەتۋگە ارنالعان ساياباق بار.
2019 جىلى الماتى اكىمدىگى قازاقستاندا العاش رەت «حالىقتىڭ بيۋدجەتكە قاتىسۋى» پيلوتتىق جوباسىن ىسكە اسىرۋدى باستادى، ونىڭ ماقساتى – تۇرعىنداردىڭ باستامالارى مەن ۇسىنىستارى نەگىزىندە قالا اۋداندارىن دامىتۋ جانە اباتتاندىرۋ.
«2021 جىلى قالا تۇرعىندارى ءوز اۋلالارىن، كوشەلەرىن جانە اۋداندارىن دامىتۋ جانە اباتتاندىرۋ جونىندە 934 ۇسىنىس بەردى. وتكەن جىلدىڭ قورىتىندىسى بويىنشا قالالىقتاردىڭ باستاماسىمەن الماتىدا قۇنى 5،4 ملرد تەڭگە بولاتىن 256 جوبا ىسكە اسىرىلىپ، پايدالانۋعا بەرىلدى»، - دەدى الماتى قالاسى قارجى باسقارماسىنىڭ ءبولىم باسشىسى ايزات قالجانوۆا.
باسپا ءسوز تۋرى بارىسىندا جۋرناليستەرگە اۋەزوۆ اۋدانىندا سالىنعان سپورت الاڭى كورسەتىلدى. بۇل جوبانىڭ اۆتورى - قالا تۇرعىنى يۋليا دجاروكوۆا. ول كوپىر استىنداعى كەڭىستىكتى اباتتاندىرۋدى ۇسىنعان ەدى.
«مەن ءوسىپ كەلە جاتقان ءجاسوسپىرىمنىڭ اناسى رەتىندە بالامنىڭ قاي جەردە شىنىعۋى مۇمكىن دەپ ورىن ىزدەدىم. جاقىن جەردە قولايلى جەر بولعان جوق. باعدارلاما تۋرالى ءبىلىپ، قاتىستىم. ىسكە اسىرۋ يدەياسىن قاعازعا ءتۇسىرىىپ، جۇزەگە اسىردىم، ەندى مىنە، بۇل ءبىزدىڭ اۋداننىڭ كورىكتى جەرىنىڭ بىرىنە اينالدى. وسى مۇمكىندىكتى كوپشىلىكتىڭ پايدالانۋىنا كەڭەس بەرەمىن. ءوتىنىم بەرىڭىزدەر. جوبالاردى ىسكە اسىرىڭىزدار»، - دەدى سپورت الاڭى جوباسىنىڭ اۆتورى يۋليا دجاروكوۆا.
«وتكەن جىلدىڭ قورىتىندىسى بويىنشا، اۋەزوۆ اۋدانىندا قۇنى 443،6 ملن تەڭگە بولاتىن 22 جوبا جۇزەگە استى. مىسالى، ساين-شالياپين كوشەسى اۋماعى، ساين-جۇبانوۆ كوشەسى كوپىرىنىڭ استىنداعى سپورت الاڭى، تولە بي كوشەسى مەن ياسساۋي كوشەسىندەگى جاياۋ جۇرگىنشىلەر ايماعى جوندەلدى. نەگىزىنەن ادامدار ورتاق ايماقتاردى، سكۆەرلەردى اباتتاندىرۋعا، تروتۋارلاردى جوندەۋگە، بالالار الاڭدارىن سالۋعا بايلانىستى وتىنىمدەر بەرەدى»، - دەدى الماتى قالاسى اۋەزوۆ اۋدانىنىڭ اكىمى سايران سايفەدەنوۆ.
اعىمداعى جىلدىڭ 1 ماۋسىمىنان باستاپ الماتىدا «حالىقتىڭ بيۋدجەتكەن قاتىسۋى» اياسىندا جوبالىق ۇسىنىستاردى قابىلداۋ باستالدى، ولاردى ىسكە اسىرۋ 2023 جىلعا جوسپارلانۋدا. ءوتىنىم بەرۋ مەرزىمى budget.open-almaty.kz. سايتى ارقىلى 20 شىلدەگە دەيىن. ءبىر جوبانىڭ ەڭ جوعارى قۇنى 61،2 ملن تەڭگەدەن اسپايدى.