2021 جىلدىڭ قاراشا ايىنداعى ىسكەرلىك بەلسەندىلىك يندەكسى تۋرالى قرۇب اقشا-كرەديت ساياساتى دەپارتامەنتىنىڭ ديرەكتورى جاندوس شايماردانوۆتىڭ تۇسىنىك بەردى.
الىنعان باعالاۋدىڭ ناتيجەسى بويىنشا، ىسكەرلىك بەلسەندىلىك يندەكسى قاراشادا 49،9 دەيىن ازداپ تومەندەپ (قازاندا – 50،1)، تەرىس ايماققا ءوتتى، دەپ حابارلايدى Almaty-akshamy.kz Nationalbank.kz-كە سىلتەمە جاساپ
يندەكسكە قىزمەت كورسەتۋ سەكتورىندا جۇمىسپەن قامتۋ دەڭگەيىنىڭ تومەندەۋىنە جانە جەتكىزىلىم مەرزىمدەرىنىڭ سوزىلۋىنا بايلانىستى كورسەتكىشتىڭ 49،3-كە دەيىن تومەندەۋى (قازاندا – 49،7) اسەر ەتتى.
ونەركاسىپتە جاڭا تاپسىرىستار كولەمىنىڭ وسۋىنە جانە جەتكىزىلىم مەرزىمدەرىنىڭ قىسقارۋىنا بايلانىستى كورسەتكىش 50،8-گە دەيىن ازداپ كوتەرىلدى (قازاندا – 50،6).
قۇرىلىس سەكتورىندا كورسەتكىش وتكەن ايمەن سالىستىرعاندا 49،9 دەڭگەيىندە قالىپ، وزگەرگەن جوق.
.jpg)
وڭىرلەر بويىنشا قاراشادا 6 وڭىردە ىسكەرلىك بەلسەندىلىكتىڭ جاقسارعانى، 11 وڭىردە ناشارلاعانى بايقالدى. ىسكەرلىك بەلسەندىلىكتىڭ نەعۇرلىم جوعارى دەڭگەيى شىعىس قازاقستان (53،7) جانە ماڭعىستاۋ (52،9) وبلىستارىندا، نەعۇرلىم تومەن دەڭگەيى الماتى وبلىسىندا (44،2) بايقالدى.
2021 جىلعى قاراشادا رەسپوندەنتتەر ەلدە بيزنەس جۇرگىزۋ جاعدايلارىنىڭ جاقسارعانىن اتاپ ءوتتى. اعىمداعى بيزنەس-جاعدايلارىن باعالاۋ جونىندەگى جاۋاپتار تەڭگەرىمى 2،4 قۇراپ (قازاندا (-)1،4)، وڭ مانگە يە بولدى. بارلىق سەكتورلارداعى كاسىپورىندار قارجىعا/كرەديتتەرگە قولجەتىمدىلىكتى وڭ باعالادى. ونىمگە/قىزمەتكە سۇرانىس جانە كوممۋنيكاسيالارعا قولجەتىمدىلىك فاكتورلارىن تيىسىنشە ونەركاسىپ پەن قۇرىلىس سەكتورىنداعى كاسىپورىندار وڭ باعالادى. بۇل رەتتە، بيزنەستى قورعاۋ مەن سالىق جۇكتەمەسى ماسەلەلەرى (قۇرىلىس سەكتورىنان باسقا) تەرىس باعا الدى.
كاسىپورىنداردىڭ كەلەسى 6 ايداعى بولاشاق بيزنەس-جاعدايعا قاتىستى ءوپتيميزمى تومەندەدى: بولاشاق جاعدايلاردى باعالاۋ 13،0 بولدى (قازاندا – 14،9). اعىمداعى بيزنەس جاعدايدىڭ جاقسارۋى ناتيجەسىندە ەكونوميكا بويىنشا بيزنەس احۋال يندەكسى 7،6-عا دەيىن كوتەرىلدى (قازاندا – 6،6).
2021 جىلعى قاراشادا پىكىرتەرىمگە 461: قۇرىلىستا – 67، ونەركاسىپتە – 175، قىزمەت كورسەتۋدە – 219 كاسىپورىن قاتىستى.