قازاقستان بانكىنەن $15 ميلليون جىمقىرعان كۇدىكتى ۇستالدى
رەسەي فەدەراسياسىنىڭ ماسكەۋ وبلىسىندا ق ر قارجىلىق مونيتورينگ اگەنتتىگىنىڭ الماتى قالاسى بويىنشا اۋماقتىق دەپارتامەنتى ىزدەۋ جاريالاعان ۆ.ۆلاسوۆ ۇستالدى، دەپ حابارلايدى Almaty-akshamy.kz
ۇستالعان ازاماتقا قاتىستى «بانك ربك» اق-نىڭ 15 ميلليون اقش دوللارى مولشەرىندەگى نەسيە قاراجاتىن جىمقىرۋ فاكتىسى بويىنشا قىلمىستىق ءىس تەرگەلۋدە.
«قىلمىستىق قۋدالاۋدان جاسىرىنىپ جۇرگەن ۆ. ۆلاسوۆ 2018 جىلدان باستاپ حالىقارالىق ىزدەۋدە بولدى. قازىرگى ۋاقىتتا ىزدەستىرىلۋشى ماسكەۋ وبلىسىنىڭ ىشكى ىستەر ورگاندارىنىڭ كۇزەتىندە. ونى قازاقستان رەسپۋبليكاسىنا ەكستراديسيالاۋ ماسەلەسى شەشىلۋدە»، - دەپ حابارلايدى ق ر قارجىلىق مونيتورينگ اگەنتتىگىنىڭ باسپا ءسوز قىزمەتى.