ەل اۋماعىندا تۇمان بولىپ، جەل كۇشەيۋى مۇمكىن.
«قازگيدرومەت» رمك قازاقستان ايماقتارىندا 20 ناۋرىزدا بولاتىن ءقاۋىپتى مەتەورولوگيالىق قۇبىلىستارعا بولجاۋ كونسۋلتاسياسىن جاريالادى، دەپ حابارلايدى Almaty-akshamy.kz
قازاقستاننىڭ باسىم بولىگىندە اتموسفەرالىق فرونتالدى بولىمدەردىڭ وتۋىمەن اۋا رايىنىڭ تۇراقسىز سيپاتى ساقتالادى، جاڭبىر مەن قار تۇرىندە جاۋىن-شاشىن، وڭتۇستىك-باتىستا، وڭتۇستىكتە، وڭتۇستىك-شىعىستا قاتتى جاڭبىر جاۋادى. تەك ەلدىڭ باتىسىندا اتموسفەرالىق قىسىمنىڭ جوعارىلاۋى اسەرىنەن جاۋىن-شاشىنسىز اۋا رايى بولماق.
قازاقستان بويىنشا تۇمان، جەلدىڭ كۇشەيۋى، سولتۇستىگىندە، شىعىسىندا، ورتالىعىندا كوكتايعاق، وڭتۇستىگىندە، وڭتۇستىك-شىعىسىندا نايزاعاي وينايدى دەپ بولجاندى.