شىعىس قازاقستان وبلىسىندا جيىرما جىل بۇرىن جاسالعان قىلمىستىڭ بەتى اشىلدى، - دەپ حابارلايدى aqshamnews.kz.
2004 جىلدىڭ 22 قاڭتارىندا وسكەمەن قالاسىنداعى ۇيلەردىڭ بىرىنەن زورلىق بەلگىلەرى بار ەر ادامنىڭ ءمايىتى تابىلعان ەدى. تەرگەۋ بارىسىندا بۇل قىلمىستىڭ ءىزىن جاسىرۋ ءۇشىن كۇدىكتى وقيعا ورنىن ورتەپ جىبەرگەنى انىقتالدى. سول كەزدە قىلمىستىق ءىس قوزعالعانىمەن، ايعاقتاردىڭ جويىلۋى مەن قىلمىسكەردىڭ ءىزىن سۋىتۋى تەرگەۋ بارىسىن كۇردەلەندىردى. الايدا قانشا جىل وتسە دە، پوليسيا قىزمەتكەرلەرى بۇل ءىستى ۇمىتقان جوق.
جەدەل ۋاكىلدەر ماتەريالداردى قايتا قاراپ، دەرەكتەردى تالداپ، قىلمىستىڭ تولىق كورىنىسىن كەزەڭ-كەزەڭىمەن قالپىنا كەلتىردى. 2025 جىلدىڭ اقپان ايىندا قىلمىستىق ءىس قايتا جاندانىپ، جەدەل تەرگەۋ توبى كەشەندى ىزدەستىرۋ شارالارىن جۇرگىزدى. ناتيجەسىندە كۇدىكتىنىڭ ىزىنە ءتۇسۋ مۇمكىن بولدى.
18 اقپاندا سوت شەشىمىمەن كۇدىكتى قاماۋعا الىندى.
قازىرگى ۋاقىتتا قىلمىستىڭ بارلىق ءمان-جايىن انىقتاۋعا باعىتتالعان تەرگەۋ امالدارى جالعاسۋدا. بۇل – ادىلدىك ورنايتىنىن دالەلدەيتىن تاعى ءبىر ايقىن مىسال.