بيزنەستەگى العاشقى قادامدار: الماتىدا Zhasproject بايقاۋىنىڭ جەڭىمپازدارى ماراپاتتالدى، دەپ حابارلايدى almaty-akshamy.kz
الماتى قالاسى الاتاۋ اۋدانىنىڭ كوميۋنيتي ورتالىعىندا Zhasproject جوباسى اياسىندا شاعىن گرانتتار كونكۋرسىنىڭ جەڭىمپازدارىنا نومينالى 1 000 000 تەڭگە بولاتىن سەرتيفيكاتتار سالتاناتتى تۇردە تابىس ەتىلدى.
جوبا NEET ساناتىنداعى جاستاردىڭ باستامالارىن قولداۋعا جانە جاستار اراسىندا كاسىپكەرلىكتى دامىتۋ ءۇشىن قولايلى جاعدايلار جاساۋعا باعىتتالعان.
2024 جىلعى بايقاۋدىڭ قورىتىندىسى بويىنشا الماتىدا 20 جەڭىمپاز انىقتالدى، ولار ماۋسىم ايىندا الەۋمەتتىك جوبالاردى ىسكە اسىرۋعا كىرىسەدى. گرانت قاراجاتىنا ولار قارجىلاندىرۋ اياقتالعاننان كەيىن جاس كاسىپكەرلەردە ءوز جوبالارىن كەيىننەن ىسكە اسىرۋ جانە دامىتۋ ءۇشىن اجەتتى جابدىقتى ساتىپ الا الادى.
جوبا قازاقستان رەسپۋبليكاسى مادەنيەت جانە اقپارات مينيسترلىگىنىڭ تاپسىرىسى بويىنشا ازاماتتىق باستامالاردى قولداۋ ورتالىعىمەن جانە «ءتۇپقاراعان جاستارى» جاستار قوعامدىق بىرلەستىگىمەن بىرگە ىسكە اسىرىلۋدا.
Zhasproject جوباسىنىڭ قارجىلىق قولداۋىنىڭ ارقاسىندا 18 بەن 34 جاس ارالىعىنداعى جۇمىسسىز جاستار ءوز بيزنەسىن اشىپ، كاسىپكەرلىكتە العاشقى قادامدار جاساپ، قوعامنىڭ دامۋىنا ءوز ۇلەستەرىن قوسا الادى.