2026 جىلدىڭ اياعىنا دەيىن №2 جىلۋ ەلەكتر ورتالىعىن تابيعي گازعا كوشىرۋ، ال كەيىن №3 جەو-نى بۋ-گاز تەحنولوگياسىمەن جاڭعىرتۋ ناتيجەسىندە الماتىداعى جىلۋ كوزدەرىنەن شىعاتىن زياندى زاتتار 92 پايىز ازايادى، - دەپ حابارلايدى aqshamnews.kz ءتىلشىسى.
بۇل تۋرالى بۇگىن قالا اكىمى دارحان ساتىبالدى ءماسليحات وتىرىسىندا ايتتى.
"قالاداعى ەكولوگيالىق جاعدايدى جاقسارتۋ ماقساتىندا №2 جىلۋ ەلەكتر ورتالىعى 2026 جىلدىڭ سوڭىنا دەيىن تولىقتاي تابيعي گازعا كوشىرىلەدى. كەلەسى كەزەڭدە №3 جىلۋ ەلەكتر ورتالىعىن بۋ-گاز تەحنولوگياسىنا كوشىرۋ ارقىلى قايتا جاڭعىرتۋ جوسپارلانعان"، - دەدى اكىم.
اكىمدىكتىڭ مالىمەتىنشە، بۇل شارالار جىلۋ كوزدەرىنەن شىعاتىن زياندى شىعارىندىلاردى 92 پايىزعا دەيىن قىسقارتۋعا مۇمكىندىك بەرەدى. سونىمەن قاتار، جەكە سەكتوردى گازداندىرۋ دەڭگەيى ءقازىردىڭ وزىندە 99،6 پايىزعا جەتىپ، 2027 جىلعا دەيىن ونى 100 پايىزعا جەتكىزۋ كوزدەلىپ وتىر.