قاتەلىكتەر تۋرالى حابارلاما ارقىلى 2gis.kz سايتىندا قالدىرۋعا بولادى
2 GIS قازاق تىلىندە تەستىلەۋ رەجيمى ارقىلى كارتالار مەن ۇيىمداردىڭ انىقتامالىعىن ىسكە قوسادى. ونى گەوسەرۆيس پارامەترلەرىندە قوسۋعا بولادى. سونداي-اق ورىس ءتىلى دە رەسپۋبليكاداعى پايدالانۋشىلاردىڭ تاڭداۋى ءۇشىن قولجەتىمدى بولىپ قالا بەرەدى، دەپ حابارلايدى Almaty-akshamy.kz.
بۇعان دەيىن قازاقستانداعى 2GIS قازاق تىلىندەگى ينتەرفەيس – مازىرلەر، بولىمدەر مەن باتىرمالاردى ەنگىزگەن بولاتىن. 2GIS قولدانباسىنىڭ كوپتەگەن پايدالانۋشىلارى مۇنى بايقاپ تا ۇلگەردى. ەندى كارتا دەرەكتەرى مەن ۇيىمداردىڭ انىقتامالىعى قازاق تىلىنە اۋدارىلدى. سونىڭ ارقاسىندا 2GIS جۇيەسىندە قازاقستاننىڭ مەملەكەتتىك تىلىندە دۇكەندەردى، ءدارىحانالاردى، قوعامدىق تاماقتانۋ ورىندارىن، مادەني مەكەمەلەردى، كورىكتى جەرلەردى جانە وزگە دە ورىنداردى ىزدەۋگە جانە تابۋعا بولادى. انىقتامالىق دەرەكتەر مەن كارتالار رەسپۋبليكانىڭ 41 قالاسى مەن 1245 ەلدى مەكەنىندە اۋدارىلدى. ماسەلەن، اقتاۋ، اقتوبە، الماتى، استانا، اتىراۋ، قاراعاندى، كوكشەتاۋ، قوستاناي، قىزىلوردا، پاۆلودار، پەتروپاۆل، سەمەي، تاراز، تۇركىستان، ورال، وسكەمەن، شىمكەنت قالالارىندا قولجەتىمدى.
«باستاپقىدا قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ ماماندارى انىقتامالىق قۇرىلىمىن اۋدارۋعا كومەكتەستى، سودان كەيىن ءبىز دەرەكتەردى ەگجەي-تەگجەيلى زەرتتەۋ ءۇشىن كومپانيادان تىس وزگە دە كاسىبي اۋدارماشىلاردى ىسكە تارتتىق»، - دەيدى 2GIS انىقتامالىق-كارتوگرافيالىق ءوندىرىسىنىڭ ديرەكتورى ەلەنا تولكاچيەۆا.
قازاقستانداعى 2GIS كەڭسەلەرىنىڭ قىزمەتكەرلەرى دە كوپ كومەكتەستى. ءقازىر ءبىرىنشى ماڭىزدى قادام جاسالدى. قازاقستاننىڭ ءىرى قالالارى مەن اگلومەراسيالارىندا انىقتامالىق پەن كارتالار اۋدارىلدى، ءبىز جاڭارتىلعان سەرۆيستى اشىق تەستىلەۋدى باستايمىز. ءبىز پايدالانۋشىلارعا كەرى بايلانىس ءۇشىن العىس ايتامىز، ونى تىكەلەي قوسىمشادا نەمەسە قاتەلىكتەر تۋرالى حابارلامالار ارقىلى 2gis.kz سايتىندا قالدىرۋعا بولادى. مۇنداي حابارلامالار قىزمەتتىڭ قازاق تىلىندەگى ىزدەۋ جانە وزگە دە فۋنكسيالارىن جاقسارتۋعا جانە بولاشاقتا اۋدارمانى تولىقتىرۋعا كومەكتەسەدى». قازاقستانداعى 2GISء-تىڭ بارلىق بولىمدەرى مەن دەرەكتەرى قازاق تىلىنە اۋدارىلماعانىمەن، ولارمەن جۇمىس جالعاسۋ ۇستىندە. جاقىن ارادا ىزدەۋدى جاقسارتۋمەن قاتار، كومپانيالاردىڭ جەكە كابينەتىنىڭ اۋدارماسى، سەرۆيس قىزمەتى تۋرالى تەحنيكالىق سۇراقتارعا جاۋاپ بەرە الاتىن بولىمدەر دە ءوز جۇمىسىن باستاماق.
2GISء-تىڭ قازاق تىلىندەگى سىناق نۇسقاسى 2gis.kz سايتىندا جانە قازاقستانداعى 2GIS ءموبيلدى قوسىمشاسىندا قولجەتىمدى. ونى كەلەسىدەي قوسۋعا بولادى:
ءموبيلدى قوسىمشادا:
- ءمازىر → باپتاۋلار → ءتىل تارماعىن اشىپ، قازاق ءتىلىن تاڭداڭىز. تاڭداعاننان كەيىن قوسىمشانى قايتا ىسكە قوسۋ كەرەك بولادى - جاي عانا جاۋىپ، ءموبيلدى قۇرىلعىدا ونى قايتا قوسىڭىز.
2gis.kz سايتىندا:
ءموبيلدى قۇرىلعىدا – ينتەرنەت-براۋزەردە:
- ەكراننىڭ جوعارعى وڭ جاق بۇرىشىنداعى ءمازىر بەلگىشەسىن باسىڭىز (ءۇش كولدەنەڭ جول)، اشىلاتىن بەتتىڭ تومەنگى جاعىنداعى ءتىلدى تاڭداڭىز.
نوۋتبۋكتە نەمەسە كومپيۋتەردە:
- ەكراننىڭ تومەنگى وڭ جاعىنداعى Ru → Kz ءتىلىن اۋىستىرۋ تۇيمەشىگىن باسىڭىز.