تۇمان، شاڭدى داۋىل، جەل
«قازگيدرومەت» 19 شىلدەگە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
سينوپتيك مامانداردىڭ حابارلاۋىنشا، انتيسيكلون جوتاسى قازاقستاننىڭ باسىم بولىگىندە جاۋىن-شاشىنسىز اۋا رايىن قالىپتاستىراتىن بولادى. تەك باتىس پەن شىعىستا اتموسفەرالىق فرونتالدى بولىكتەر نايزاعايمەن جاڭبىر، جەلدىڭ كۇشەيۋىن، تۇندە جانە تاڭەرتەڭ سولتۇستىكتە تۇمان، وڭتۇستىك پەن وڭتۇستىك-باتىستا شاڭدى داۋىل بولادى.
«تۇركىستان، قىزىلوردا، جامبىل وبلىستارىنىڭ باسىم بولىگىندە، اتىراۋ، ماڭعىستاۋ وبلىستارىنىڭ وڭتۇستىگىندە توتەنشە ءورت ءقاۋپى كۇتىلەدى. كۇندىز تۇركىستان، اتىراۋ، ۇلىتاۋ، قىزىلوردا، جامبىل، اقتوبە وبلىستارىنىڭ باسىم بولىگىندە قاتتى ىستىق بولجانادى. كۇندىز ماڭعىستاۋ وبلىسىنىڭ باسىم بولىگىندە، اقتوبە، ۇلىتاۋ وبلىستارىنىڭ وڭتۇستىگىندە وتە قاتتى ىستىق كۇتىلەدى. نۇر-سۇلتان قالاسىندا كوشپەلى بۇلتتى، جاۋىن-شاشىنسىز. تۇندە جانە تاڭەرتەڭ تۇمان كۇتىلەدى. شىعىس باعىتتاردان جەل سوعادى، كۇشى 2-7 م/س. اۋانىڭ تەمپەراتۋراسى تۇندە 13-15، كۇندىز 28-30 گرادۋس جىلى بولادى»،- دەلىنگەن سينوپتيكتەردىڭ بولجامىندا.
الماتى قالاسىندا كوشپەلى بۇلتتى، جاۋىن-شاشىنسىز. جەلدىڭ كۇشى 2-7 م/س. اۋانىڭ تەمپەراتۋراسى تۇندە 19-21، كۇندىز 30-32 گرادۋس جىلى بولادى. ال شىمكەنت قالاسىندا كوشپەلى بۇلتتى، جاۋىن-شاشىنسىز. سولتۇستىك-شىعىستان جەل سوعادى، كۇشى 8-13 م/س. اۋانىڭ تەمپەراتۋراسى تۇندە 20-22، كۇندىز 36-38 گرادۋس جىلى بولادى.