سينوپتيكتەر ەسكەرتۋى
18 تامىزدا اۋا رايىنىڭ بۇزىلۋىنان بىرنەشە وڭىردە ەسكەرتۋ جاريالاندى، دەپ حابارلايدى Almaty-akshamy.kz«قازگيدرومەت» رمك-عا سىلتەمە جاساپ.
اتاپ ايتقاندا، اقمولا وبلىسىنىڭ سولتۇستىك-شىعىسىندا تۇندە تۇمان كۇتىلەدى. سولتۇستىكتەن، سولتۇستىك-شىعىستان جەل سوعادى، وبلىستىڭ سولتۇستىگىندە، شىعىسىندا كۇشى 15-20 م/س ارتادى. وبلىستىڭ باتىسىندا تۇندە توپىراق بەتىندە 1 گرادۋس ۇسىك جۇرەدى.
قىزىلوردا وبلىسىندا جەل سولتۇستىك-شىعىستان سوعادى، تاڭەرتەڭ جانە كۇندىز ءوڭىردىڭ ورتالىعىندا ەكپىنى 15-20 م/س جەتەدى. وبلىستىڭ باسىم بولىگىندە توتەنشە ءورت ءقاۋپى ساقتالادى.
كۇندىز قاراعاندى وبلىسىنىڭ سولتۇستىگىندە نايزاعاي ويناپ، سولتۇستىك-باتىستان جەل سوعادى. كۇندىز ءوڭىردىڭ سولتۇستىگىندە، شىعىسىندا ەكپىنى 15-20 م/س ارتادى.
كۇندىز ۇلىتاۋ وبلىسىنىڭ وڭتۇستىگىندە، شىعىسىندا سولتۇستىك-شىعىستان جەل سوعادى، ەكپىنى 15-20 م/س جەتەدى.
18-20 تامىزدا جامبىل وبلىسىنىڭ وڭتۇستىك-باتىسىندا، سولتۇستىك-شىعىسىندا، تاۋلى اۋدانداردا جەلدىڭ جىلدامدىعى 15-20 م/س كۇشەيەدى.
اتىراۋ وبلىسىنىڭ باتىسىندا جانە ورتالىعىندا وڭتۇستىك-شىعىستان جەل سوعادى، كۇندىز ەكپىنى 15-20 م/س قۇرايدى. كۇندىز 39 گرادۋس قاتتى ىستىق بولادى. وبلىستىڭ باتىسىندا توتەنشە ءورت ءقاۋپى ساقتالادى.
كۇندىز ماڭعىستاۋ وبلىسىنىڭ سولتۇستىگىندە، ورتالىعىندا شاڭدى داۋىل كۇتىلەدى. جەل وڭتۇستىك-شىعىستان سوعىپ، كۇندىز ءوڭىردىڭ سولتۇستىگىندە، سولتۇستىك-باتىسىندا، ورتالىعىندا كۇشى 15-20 م/س ارتادى. كۇندىز وبلىستىڭ باسىم بولىگىندە 38 گرادۋس قاتتى ىستىق بولادى. ءوڭىردىڭ وڭتۇستىگىندە توتەنشە ءورت ءقاۋپى ساقتالادى.
كۇندىز اقتوبە وبلىسىنىڭ سولتۇستىك-شىعىسىندا شىعىستان، سولتۇستىك-شىعىستان جەل سوعادى، ەكپىنى 18 م/س قۇرايدى.
باتىس قازاقستان وبلىسىندا جەل سولتۇستىك-شىعىستان، شىعىستان سوعادى، كۇندىز وبلىستىڭ باتىسىندا ەكپىنى 15-20 م/س ارتادى. كۇندىز ءوڭىردىڭ وڭتۇستىگىندە 37 گرادۋس قاتتى ىستىق بولادى. وبلىستىڭ وڭتۇستىگىندە وتە جوعارى ءورت ءقاۋپى كۇتىلەدى.
تۇندە اباي وبلىسىنىڭ باتىسىندا، سولتۇستىگىندە تۇمان بولادى. جەل سولتۇستىك-باتىستان سوعادى، كۇندىز ەكپىنى 15-20 م/س جەتەدى. بەسقاراعاي اۋدانىندا توتەنشە ءورت ءقاۋپى ساقتالادى.
تۇندە شىعىس قازاقستان وبلىسىنىڭ سولتۇستىگىندە تۇمان بولجانادى. جەل سولتۇستىك-باتىستان سوعادى، كۇندىز وبلىستىڭ سولتۇستىك-باتىسىندا، سولتۇستىگىندە، شىعىسىندا جىلدامدىعى 15-20 م/س ارتادى. تۇندە وبلىستىڭ سولتۇستىك-شىعىسىندا، شىعىسىندا 2 گرادۋس ۇسىك جۇرەدى.
كۇندىز پاۆلودار وبلىسىنىڭ سولتۇستىگىندە نايزاعاي ويناپ، سولتۇستىك-باتىستان جەل سوعادى، كۇندىز وبلىستىڭ سولتۇستىگىندە ەكپىنى 15-20 م/س قۇرايدى.
سولتۇستىك قازاقستان وبلىسىنىڭ باتىسىندا، شىعىسىندا نايزاعاي كۇتىلەدى. تۇندە وبلىستىڭ باتىسىندا توپىراق بەتىندە 2 گرادۋس ۇسىك جۇرەدى. سولتۇستىكتەن جەل سوعادى، كۇشى كۇندىز 15-20 م/س ارتادى.
تۇركىستان وبلىسىنىڭ سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا سولتۇستىك-شىعىستان جەل سوعادى، ەكپىنى 23 م/س جەتەدى. ءوڭىردىڭ وڭتۇستىگىندە، شىعىسىندا توتەنشە ءورت ءقاۋپى ساقتالادى.
شىمكەنت قالاسىندا سولتۇستىك-شىعىستان جەل سوعادى، ەكپىنى 15-20 م/س قۇرايدى.