ەلىمىزدىڭ باسىم بولىگىندە جاۋىن-شاشىنسىز اۋا رايى ساقتالادى
18 قازان كۇنى اۋقىمدى انتيسيكلوننىڭ ىقپالىمەن ەل اۋماعىنىڭ باسىم بولىگىندە جاۋىن-شاشىنسىز اۋا رايى ساقتالادى، دەپ حابارلايدى Almaty-akshamy.kz.
رەسپۋبليكانىڭ تەك باتىسىندا سيكلون جىراسىنىڭ اسەرىنەن جاڭبىر بولادى. ەلىمىزدىڭ سولتۇستىگىندە، شىعىسىندا تۇمان ءتۇسىپ، وڭتۇستىك وڭىرلەردە جەل تۇرادى.
جامبىل وبلىسىنىڭ وڭتۇستىك-باتىسىندا، سولتۇستىك-شىعىسىندا جانە تاۋلى اۋداندارىندا 15-20 م/س جىلدامدىقپەن جەل سوعادى، ەكپىنى 23 م/س كۇشەيەدى.
كۇندىز تۇركىستان وبلىسىنىڭ تاۋلى اۋداندارىندا جەل 15-20 م/س دەيىن كۇشەيەدى.
كۇندىز قىزىلوردا وبلىسىنىڭ ورتالىعىندا جەل 15-20 م/س ارتادى.
سولتۇستىك قازاقستان وبلىسىنىڭ سولتۇستىگىندە جانە وڭتۇستىگىندە، شىعىس قازاقستان وبلىسىنىڭ سولتۇستىگىندە، تۇندە پاۆلودار وبلىسىنىڭ وڭتۇستىگىندە تۇمان بولادى.
سينوپتيكتەر 18 قازان كۇنى 4 وڭىردە ەسكەرتۋ جاريالاعان بولاتىن.