شەكتى بالدى 52% تالاپكەر جينادى. ورتاشا بالل – 54 بالل. ەڭ جوعارى بالل – 128.
ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا تامىز ۇبت-سىنا 100 تالاپكەر قاتىسقان، دەپ حابارلايدى aqshamnews.kz عىلىم جانە جوعارى ءبىلىم مينيسترلىگىنە سىلتەمە جاساپ.
ۇبت وتكىزۋ بارىسىندا 77 ەرەجە بۇزۋشىلىق انىقتالعان. ونىڭ ىشىندە 44 تالاپكەر سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى. تەستىلەۋ كەزىندە ەرەجەلەردى بۇزعانى ءۇشىن اۋديتوريادان 33 ادام شىعارىلدى. بوگدە تۇلعالار انىقتالعان جوق.
ايتا كەتسەك، 2024 جىلعى ۇبت اياقتالعاننان كەيىن كۇنتىزبەلىك جىلدىڭ 31 قازانىنا دەيىن تەستىلەۋدىڭ بەينەجازبالارىنا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ءتۇسۋشىنىڭ ۇبت ناتيجەلەرى جويىلادى.
جوو-دا اقىلى نەگىزدە ءوز ماماندىعى بويىنشا وقۋدى جالعاستىرۋدى جوسپارلاپ وتىرعان كوللەدج تۇلەكتەرى وقۋعا اڭگىمەلەسۋ قورىتىندىسى بويىنشا قابىلدانادى. بۇل رەتتە وقۋعا قابىلداۋدى جوو-لاردىڭ قابىلداۋ كوميسسيالارى جۇزەگە اسىرادى.
2024 جىلعى ۇبت قورىتىندىسى بويىنشا بەلگىلەنگەن شەكتى بالل جيناي الماعان، تەستىلەۋ ناتيجەسى جويىلعان، بەيىندىك پاندەر كومبيناسياسى سايكەس كەلمەيتىن تالاپكەرلەرگە جوو-عا شارتتى تۇردە اقىلى نەگىزدە وقۋعا ءتۇسۋ مۇمكىندىگى بەرىلەدى.
ارى قاراي ولار 2025 جىلى قاڭتار، ناۋرىز، نەگىزگى جانە تامىز ۇبت-سىنا قاتىسىپ، جوو-دا وقۋىن جالعاستىرۋ ءۇشىن قاجەتتى شەكتى بالىن جيناي الادى.