بۇدان بۇرىن قالا مارتەبەسىنەن ايىرىلۋى مۇمكىن شاھارلار تۋرالى جازعانبىز.
قالاعا اينالۋى مۇمكىن ەلدىمەكەندەردىڭ قاتارىندا الماتى، جامبىل، ماڭعىستاۋ، قىزىلوردا جانە تۇركىستان وبلىستارىنداعى اۋىلدار بار، دەپ حابارلايدى Almaty-akshamy.kz
قارعالى اۋىلى (الماتى وبلىسى)؛
وتەگەن باتىر اۋىلى (الماتى وبلىسى)؛
بورالداي اۋىلى (الماتى وبلىسى)؛
ۇزىناعاش اۋىلى (الماتى وبلىسى)؛
سارىكەمەر اۋىلى (جامبىل وبلىسى)؛
قورداي اۋىلى (جامبىل وبلىسى)؛
جاڭاقورعان اۋىلى (قىزىلوردا وبلىسى)؛
شيەلى اۋىلى (قىزىلوردا وبلىسى)؛
ايتەكە بي اۋىلى (قىزىلوردا وبلىسى)؛
قىزىلتوبە اۋىلى (ماڭعىستاۋ وبلىسى)؛
اتامەكەن اۋىلى (ماڭعىستاۋ وبلىسى)؛
ماڭعىستاۋ اۋىلى (ماڭعىستاۋ وبلىسى)؛
باسقۇدىق اۋىلى (ماڭعىستاۋ وبلىسى)؛
راحات اۋىلى (ماڭعىستاۋ وبلىسى)؛
بەينەۋ اۋىلى (ماڭعىستاۋ وبلىسى)؛
مانكەنت اۋىلى (تۇركىستان وبلىسى)؛
اقسۋكەنت اۋىلى (تۇركىستان وبلىسى)؛
قارابۇلاق اۋىلى (تۇركىستان وبلىسى).
ۇلتتىق ەكونوميكا ءمينيسترى نۇرلان بايبازاروۆتىڭ سوزىنشە، ەلىمىزدە 10 مىڭنان استام تۇرعىنى بار 112 اۋىل بار. ونىڭ ىشىندە 18 ەلدى مەكەندە 30 مىڭنان استام ادام تۇرادى. زاڭ بويىنشا ولارعا قالا مارتەبەسى بەرىلۋى ءتيىس.
«ءتيىستى نورماسى بار زاڭ 2021 جىلى كۇشىنە ەندى. ەندى وبلىس اكىمدىكتەرى ءماسليحاتتاردىڭ وتىنىشتەرىن قاراۋدا. ازىرگە ناقتى شەشىم قابىلدانعان جوق، جۇمىس جۇرگىزىلۋدە. ءۇش جىلدىڭ ىشىندە حالىق سانى 10 مىڭعا جەتسە، ەلدى مەكەنگە قالا مارتەبەسى بەرىلۋى مۇمكىن. مۇنداي شەشىمدى ءتيىستى وبلىس اكىمدىكتەرى قابىلدايدى»، - دەدى ول.