بىرنەشە وڭىردە اۋا رايىنا بايلانىستى ەسكەرتۋ جاريالاندى
قازگيدرومەت 17 ماۋسىمدا بىرنەشە وڭىردە اۋا رايىنا بايلانىستى ەسكەرتۋ جاريالادى، دەپ حابارلايدى Almaty-akshamy.kz.
باتىس قازاقستان وبلىسىنىڭ سولتۇستىك-باتىسىندا، سولتۇستىگىندە، نايزاعاي كۇتىلەدى. جەل سولتۇستىك-باتىستان15-20 م/س جىلدامدىقپەن سوعادى.
شىعىس قازاقستان وبلىستىڭ سولتۇستىگىندە، شىعىسىندا نايزاعاي كۇتىلەدى. جەل سولتۇستىك-باتىستان سوعادى، وبلىستىڭ باتىسىندا، وڭتۇستىك-شىعىسىندا 15-20 م/س جەتەدى. وبلىستىڭ باتىسىندا توتەنشە ءورت ءقاۋپى ساقتالادى.
ماڭعىستاۋ وبلىسىنىڭ سولتۇستىك-باتىسىندا، ورتالىعىندا نايزاعاي، بۇرشاق كۇتىلەدى. وڭتۇستىك-شىعىستان سوعاتىن جەل سولتۇستىك-باتىسقا اۋىسادى، وبلىستىڭ وڭتۇستىك-باتىسىندا 15-20 م/س جىلدامدىقتى كورسەتەدى.
17 ماۋسىمدا تۇندە اقتوبە وبلىسىنىڭ باتىسىندا، كۇندىز وڭتۇستىگىندە، ورتالىعىندا سولتۇستىك-باتىستان وڭتۇستىك-باتىسقا اۋىساتىن جەلدىڭ ەكپىنى 16 م/س كۇتىلەدى.
قىزىلوردا وبلىسىندا جەل سولتۇستىك-شىعىستان سوعادى، تاڭەرتەڭ جانە كۇندىز وبلىستىڭ شىعىسىندا كۇشى 15-20 م/س جەتەدى. كۇندىز 40 گرادۋس قاتتى ىستىق كۇتىلەدى. وبلىستىڭ باسىم بولىگىندە توتەنشە ءورت ءقاۋپى ساقتالادى.
تۇركىستان وبلىسىنىڭ تاۋلارىندا نايزاعاي، داۋىل، سولتۇستىگىندە شاڭدى داۋىل سوعادى. شىعىستان جەل سوعادى، وبلىستىڭ سولتۇستىگىندە، تاۋلى اۋدانداردا 15-20 م/س جىلدامدىقتى كورسەتەدى.
پاۆلودار وبلىسىنىڭ وڭتۇستىگىندە، شىعىسىڭدا نايزاعاي كۇتىلەدى. باتىستان جەل سوعادى، وبلىستىڭ سولتۇستىگىندە، شىعىسىڭدا كۇندىز ەكپىنى 15-20 م/س.
تاڭەرتەڭ جانە كۇندىز 17 ماۋسىمدا قوستاناي وبلىسىنىڭ سولتۇستىك-شىعىسىندا نايزاعاي كۇتىلەدى. سولتۇستىك-باتىستان جەل سوعادى، كۇندىز وبلىستىڭ سولتۇستىك-شىعىسىندا ەكپىنى 15-20 م/س جىلدامدىقپەن جەل سوعادى.