جەتى وڭىردە قار جاۋىپ، كوكتايعاق، تۇمان بولادى
17 اقپاندا ەلىمىزدىڭ 7 وبلىسىندا قولايسىز اۋا رايىنا بايلانىستى ەسكەرتۋ جاريالاندى، دەپ حابارلايدى Almaty-akshamy.kz "قازگيدرومەت" رمك-عا سىلتەمە جاساي وتىرىپ.
ۇلىتاۋ وبلىسىنىڭ سولتۇستىگىندە تۇمان تۇسەدى، تۇندە وبلىستىڭ باتىسىندا، كۇندىز باسىم بولىگىندە بوران بولادى دەپ بولجانادى. وبلىستىڭ وڭتۇستىگىندە شىعىستان، وڭتۇستىك-شىعىستان 18 م/س جىلدامدىقپەن جەل سوعادى. جەزقازعاندا تۇندە تۇمان تۇسەدى دەپ كۇتىلەدى.
كۇندىز اقمولا وبلىسىنىڭ وڭتۇستىگىندە، باتىسىندا جاياۋ بۇرقاسىن جۇرەدى دەپ بولجانادى. تۇندە جانە تاڭەرتەڭ وبلىستىڭ باتىسىندا، سولتۇستىگىندە تۇمان تۇسەدى. كۇندىز وبلىستىڭ سولتۇستىك-شىعىسىندا وڭتۇستىك-شىعىستان سوققان جەلدىڭ ەكپىنى 15-20 م/س قۇرايدى.
قىزىلوردا وبلىسىنىڭ سولتۇستىگىندە، ورتالىعىندا كوكتايعاق، تۇمان بولادى دەپ كۇتىلەدى. كۇندىز وبلىستىڭ ورتالىعىندا باتىستان سوققان جەلدىڭ ەكپىنى 15-20 م/س قۇرايدى. قىزىلوردادا كوكتايعاق بولادى دەپ كۇتىلەدى.
قاراعاندى وبلىسىنىڭ سولتۇستىگىندە تۇمان تۇسەدى، كۇندىز وبلىستىڭ باتىسىندا جاياۋ بۇرقاسىن جۇرەدى دەپ كۇتىلەدى. وبلىستىڭ وڭتۇستىگىندە شىعىستان، وڭتۇستىك-شىعىستان سوققان جەلدىڭ ەكپىنى 18 م/س جەتەدى. قاراعاندىدا تۇندە تۇمان بولۋى ىقتيمال.
باتىس قازاقستان وبلىسىنىڭ وڭتۇستىگىندە، سولتۇستىگىندە كوكتايعاق بولادى دەپ كۇتىلەدى. وبلىستىڭ باتىسىندا، وڭتۇستىگىندە جاياۋ بۇرقاسىن جۇرەدى دەپ بولجانادى. وبلىستىڭ باتىسىندا، وڭتۇستىگىندە سولتۇستىك-باتىستان وڭتۇستىك-باتىسقا ويىسا سوققان جەلدىڭ ەكپىنى 15-20 م/س بولادى. ورال قالاسىندا كوكتايعاق بولۋى ىقتيمال.
جامبىل وبلىسىنىڭ تاۋلى اۋداندارىندا كۇندىز قاتتى جاۋىن-شاشىن (جاڭبىر، قار) بولادى دەپ كۇتىلەدى. وبلىستىڭ باتىسىندا، وڭتۇستىگىندە، سولتۇستىگىندە، تاۋلى ايماقتارىندا تۇمان ءتۇسىپ، كوكتايعاق بولادى. وبلىستىڭ وڭتۇستىك-باتىسىندا، سولتۇستىك-شىعىسىندا، تاۋلى اۋداندارىندا سولتۇستىك-شىعىستان وڭتۇستىك-باتىسقا ويىسا سوققان جەلدىڭ ەكپىنى 15-20 م/س، كەي تۇستا 23 م/س جەتەدى. تارازدا تۇمان، كوكتايعاق بولادى دەپ كۇتىلەدى. كۇندىز سولتۇستىك-شىعىستان وڭتۇستىك-باتىسقا ويىسا سوققان جەلدىڭ ەكپىنى 15-20 م/س، كەي تۇستا 23 م/س جەتەدى.
كۇندىز قوستاناي وبلىسىنىڭ باسىم بولىگىندە قار جاۋادى. وبلىستىڭ باتىسىندا، وڭتۇستىگىندە، سولتۇستىگىندە جاياۋ بۇرقاسىن جۇرەدى. تۇندە جانە تاڭەرتەڭ وبلىستىڭ شىعىسىندا تۇمان بولادى. كۇندىز وبلىستىڭ سولتۇستىگىندە، وڭتۇستىگىندە، شىعىسىندا وڭتۇستىك شىعىستان، شىعىستان سوققان جەلدىڭ ەكپىنى 15-20 م/س قۇرايدى.