قاڭتار ايىندا وتەتىن ۇلتتىق ءبىرىڭعاي تەستىلەۋگە (ۇبت) ءوتىنىش قابىلداۋ 30 جەلتوقسان كۇنى اياقتالدى، دەپ حابارلايدى aqshamnews.kz
بيىل تەستىلەۋگە قاتىسۋعا 167 مىڭعا جۋىق تالاپكەر ءوتىنىش بىلدىرگەن، بۇل وتكەن جىلمەن سالىستىرعاندا 31 مىڭعا كوپ. ۇبت 13 قاڭتار مەن 10 اقپان ارالىعىندا وتەدى.
تالاپكەرلەر ءوتىنىش بەرۋ بارىسىندا تەستىلەۋ كۇنىن، ۋاقىتىن جانە وتكىزۋ پۋنكتىن وزدەرى تاڭدادى.
تەستىلەۋ بارىسىندا:
- كالكۋلياتور، حيميالىق ەلەمەنتتەردىڭ پەريودتىق جۇيەسى (مەندەلەيەۆ كەستەسى) جانە تۇزداردىڭ ەرىگىشتىك كەستەسى باعدارلامادان قولجەتىمدى بولادى.
- تەست تاپسىرعاننان كەيىن تالاپكەرلەرگە 30 مينۋت ىشىندە اپەللياسياعا ءوتىنىش بەرۋ مۇمكىندىگى بەرىلەدى.
- سەرتيفيكات اپەللياسيالىق كوميسسيانىڭ شەشىمىنەن كەيىن تالاپكەردىڭ جەكە كابينەتىندە قولجەتىمدى بولادى.
ۇبت پاندەرىنىڭ سانى وزگەرىسسىز قالدى:
- ءۇش ءپان – مىندەتتى،
- ەكى ءپان – تاڭداۋ بويىنشا.
جالپى تەست تاپسىرمالارىنىڭ سانى – 120.