رەسپۋبليكانىڭ سولتۇستىك وڭىرلەرىندە جاڭبىرلى اۋا رايى كۇتىلەدى
قازگيدرومەت قىركۇيەكتىڭ 16-شى جۇلدىزىنا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
سيكلون اسەرىنەن ق ر سولتۇستىگىندە، سولتۇستىك-باتىسىندا، باتىسىندا جاڭبىر جاۋادى، نايزاعاي بولۋى ىقتيمال. قالعان اۋماقتا انتيسيكلون جوتاسىنىڭ اسەرىنەن جاۋىن-شاشىنسىز اۋا رايى كۇتىلەدى.
رەسپۋبليكانىڭ سولتۇستىگىندە، سولتۇستىك-باتىسىندا، باتىسىندا جانە وڭتۇستىگىندە جەل، سولتۇستىگىندە تۇمان كۇتىلەدى. سولتۇستىك قازاقستان وبلىسىندا سولتۇستىك-باتىسىندا، سولتۇستىگىندە نايزاعاي، تۇمان كۇتىلەدى، تۇندە وڭتۇستىگىندە جەل 15-20 م/س، كۇندىز باسىم بولىگىندە 15-20، ەكپىنى 23-28 م/س كۇشەيەدى.
تۇندە اقمولا وبلىسىنىڭ سولتۇستىك-باتىسىندا، كۇندىز باسىم بولىگىندە نايزاعاي باقىلانادى، جەل 15-20 م/س كۇشەيەدى. قوستاناي وبلىسىنىڭ سولتۇستىك-باتىسىندا، سولتۇستىك-شىعىسىندا نايزاعاي كۇتىلەدى، سولتۇستىك-باتىسىندا، وڭتۇستىگىندە جەل 15-20 م/س كۇشەيەدى.
كۇندىز پاۆلودار وبلىسىنىڭ سولتۇستىگىندە، سولتۇستىك-باتىسىندا نايزاعاي كۇتىلەدى، جەل 15-20 م/س كۇشەيەدى. كۇندىز اقتوبە وبلىسىنىڭ وڭتۇستىك-شىعىسىندا، شىعىسىندا، قىزىلوردا وبلىسىنىڭ ورتالىعىندا، قاراعاندى وبلىسىنىڭ باتىسىندا 15-20 م/س جەلدىڭ كۇشەيۋى كۇتىلەدى.
تۇندە شىعىس قازاقستان وبلىسىنىڭ شىعىسىندا، قاراعاندى وبلىسىنىڭ سولتۇستىگىندە، سولتۇستىك-شىعىسىندا 2 گرادۋس ۇسىك ساقتالادى.
الماتى، جامبىل، تۇركىستان، قىزىلوردا، ماڭعىستاۋ، اتىراۋ، اقتوبە وبلىستارىنىڭ باسىم بولىگىندە، قوستاناي، قاراعاندى وبلىستارىنىڭ وڭتۇستىك-باتىسىندا، باتىسىندا، باتىس قازاقستان وبلىسىنىڭ سولتۇستىك-شىعىسىندا جانە وڭتۇستىگىندە، شىعىس قازاقستان وبلىسىنىڭ وڭتۇستىگىندە، پاۆلودار وبلىسىنىڭ ورتالىعىندا، اقمولا وبلىسىنىڭ سولتۇستىك-باتىسىندا توتەنشە ءورت ءقاۋپى ساقتالادى.