قازاقستان قۇتقارۋشىلارىن اپارعان بورتپەن تۇركيادان 16 قازاقستاندىق جانە قىرعىز رەسپۋبليكاسىنىڭ ەكى ازاماتى استاناعا جەتكىزىلەدى. سىرتقى ىستەر مينيسترىلىگىنىڭ رەسمي وكىلى ايبەك سمادياروۆ ب ا ق وكىلدەرىمەن وتكەن بريفينگتە وسىنداي دەرەك ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وسى بورتپەن ەلگە قايتۋعا نيەت بىلدىرگەن ءبىرقاتار ازاماتتارىمىزدى قازاقستانعا اكەلۋ جوسپارلانىپ وتىر. اتاپ ايتقاندا، ساعات 15:00-دەگى جاعداي بويىنشا، 18 ادام ەلگە قايتۋعا نيەت ءبىلدىردى. قازاقستاننىڭ 16 ازاماتى جانە قىرعىزستاننىڭ 2 ازاماتى بار. اتالعان بورت استاناعا كەلەدى دەپ كۇتىلىپ وتىر. ۇشۋ ۋاقىتى قوسىمشا حابارلانادى»، - دەدى ايبەك سمادياروۆ.
ەسكە سالساق، تۇركيانىڭ وڭتۇستىك-شىعىسىندا بولعان ءزىلزالادان قازا تاپقاندار سانى 2 921 ادام ەكەنى حابارلانعان ەدى. سوڭعى دەرەكتەر بويىنشا، اپاتتان زارداپ شەككەندەر سانى 3 419-عا جەتكەن.
بۇگىن تاڭەرتەڭ قازاقستان تجم 41 قۇتقارۋشىسى اپات سالدارىن جويۋعا كومەك كورسەتۋ ءۇشىن تۇركياعا جەتتى.
قازىرگى تاڭدا تۇركيادا قالعان قازاقستان ازاماتتارىن گازيانتەپ قالاسىنان ەلگە اكەتۋ شارالارى جۇرگىزىلىپ جاتىر. ەلگە قايتامىن دەگەن قازاقستان ازاماتتارى 7 اقپان ساعات 12:00-دە گازيانتەپ قالاسىنىڭ اۋەجايىندا ءتيىستى پروسودۋرادان ءوتىپ، دايىن بولۋى ءتيىس. سونىمەن قاتار، قازاقستانعا ورالۋعا نيەتتى ازاماتتار ءتىزىمىن جاساۋ ءۇشىن +90 538 8807041، +90 3124919100 تەلەفون نومەرلەرىنە حابارلاسۋى كەرەك.
ايتا كەتسەك، قازاقستان اۋىل شارۋاشىلىعى مينيسترلىگى تۇركياداعى جاعدايعا بايلانىستى ازىق-تۇلىكپەن گۋمانيتارلىق كومەك كورسەتۋگە دايىن ەكەنىن مالىمدەدى.