ەلىمىزدىڭ باسىم بولىگىندە قار، جاۋىن جاۋىپ، تۇمان تۇسەدى
"قازگيدرومەت" رمك ماماندارى رەسپۋبليكا بويىنشا 16 اقپانعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
سينوپتيكتەردىڭ بولجاۋىنشا، سولتۇستىك-باتىس سيكلوننىڭ جىراسىمەن بايلانىسقان اتموسفەرالىق فرونتالدى بولىكتەردىڭ اسەرىنەن قازاقستان رەسپۋبليكاسىنىڭ باسىم بولىگىندە تۇراقسىز اۋا-راۋيى كۇتىلەدى، سوعان بايلانىستى قار، رەسپۋبليكانىڭ باتىسىندا، وڭتۇستىك-باتىسىندا، وڭتۇستىگىندە، وڭتۇستىك-شىعىسىندا جاۋىن-شاشىن (قار جانە جاڭبىر تۇرىندە)، جەلدىڭ كۇشەيۋى، جاياۋ بۇرقاسىن بولجانادى.
تاڭەرتەڭ جانە كۇندىز تۇركىستان وبلىسىنىڭ وڭتۇستىگىندە، باتىسىندا جانە تاۋلى اۋدانداردا قاتتى جاڭبىر كۇتىلەدى، باتىس قازاقستان وبلىسىنىڭ وڭتۇستىگىندە، كۇندىز اتىراۋ وبلىسىنىڭ شىعىسىندا، ورتالىعىندا قاتتى قار كۇتىلىدى، جامبىل وبلىسىنىڭ تاۋلى اۋداندارىندا تۇندە قاتتى قار، كۇندىز وبلىستىڭ وڭتۇستىگىندە جانە تاۋلى اۋداندارىندا قاتتى جاۋىن-شاشىن (جاڭبىر، قار) بولجانادى.
استانا قالاسى: كوشپەلى بۇلتتى، جاۋىن-شاشىنسىز. سولتۇستىك-شىعىستان سوعاتىن جەل وڭتۇستىك-شىعىسقا اۋىسادى، كۇشى 2-7 م/س. اۋانىڭ تەمپەراتۋراسى تۇندە -23-25°س، كۇندىز -14-16°س بولادى.
الماتى قالاسى: كوشپەلى بۇلتتى، كۇندىز ازداعان جاۋىن-شاشىن (جاڭبىر، جىلبىسقى كار) بولادى. سولتۇستىك-شىعىستان جەل سوعادى، كۇشى 2-7 م/س. اۋانىڭ تەمپەراتۋراسى تۇندە -3-5°س، كۇندىز +1+3°س بولادى.
شىمكەنت قالاسى: كوشپەلى بۇلتتى، جاڭبىر، تاڭەرتەڭ جانە كۇندىز قاتتى جاڭبىر جاۋادى. وڭتۇستىك-شىعىستان سوعاتىن جەل وڭتۇستىك-باتىسقا اۋىسادى، كۇشى 8-13 م/س. اۋانىڭ تەمپەراتۋراسى تۇندە +1+3°س، كۇندىز +8+10°س بولادى.