قورعانىس ءمينيسترىنىڭ كەڭەسشىسى ايگۇل تولەمبايەۆا مەرزىمدى قىزمەتتەگى اسكەريلەردى اقىسىز وقىتۋ ءۇشىن وتكىزىلگەن العاشقى ىرىكتەۋدىڭ قورىتىندىسىن جاريالادى، دەپ حابارلايدى Almaty -akshamy. kz
بايقاۋعا بيىل كوكتەمدە زاپاسقا شىعارىلعان ازاماتتار قاتىستى. ىرىكتەۋ اسكەري قىزمەتشىلەر رەيتينگى بويىنشا جۇرگىزىلدى. ۇمىتكەرلەردىڭ جەتىستىكتەرى مەن كەمشىلىكتەرى تۋرالى بارلىق دەرەك مينيسترلىك سايتىنىڭ «سروچنيكي 2.0» سيفرلىق پلاتفورماسىندا تىركەلدى. دەرەكتەردى اۋىستىرۋ مۇمكىندىگى جوق. كونكۋرستىق ىرىكتەۋگە بارلىعى 12 مىڭنان استام مەرزىمدى قىزمەتتەگى سارباز قاتىستى. ىرىكتەۋدەن وتپەگەندەر بورىشىن وتەگەن سوڭ 2 جىل ىشىندە ۇبت تاپسىرماي، اقىلى نەگىزدە جوعارى وقۋ ورىندارىنا تۇسە الادى.
« مەرزىمدى اسكەري قىزمەت ساربازدارى ءۇشىن ءبىلىم بەرۋ جەڭىلدىكتەرىن الۋ مۇمكىندىگى كوزدەلگەن. مەملەكەت باسشىسى ق. توقايەۆ مامىر ايىندا بولعان بۇكىلارميالىق كەڭەستە بۇل باستاماعا وڭ باعا بەردى جانە ونى جۇزەگە اسىرۋ بويىنشا ءتيىستى تاپسىرمالار بەرگەن بولاتىن. قازىرگى ۋاقىتتا ەلىمىزدىڭ 70-تەن استام جوو-مەن كەلىسىمشارتقا قول قويىلعان»، - دەيدى ق ر قورعانىس مينيسترلىگى اپپاراتىنىڭ باسشىسى ەربول قۇماربەك ۇلى.