داۋىل، نايزاعاي، بۇرشاق – 11 وڭىردە ەسكەرتۋ جاريالاندى
«قازگيدرومەت» رمك 14 ماۋسىمدا اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى Almaty-akshamy.kz.
كۇندىز ماڭعىستاۋ وبلىسىنىڭ باتىسىندا، وڭتۇستىگىندە نايزاعاي كۇتىلەدى. ءوڭىردىڭ باتىسىندا، سولتۇستىگىندە، ورتالىعىندا شاڭدى داۋىل تۇرادى. سولتۇستىك-شىعىستان سوققان جەلدىڭ كۇشى 15-20 م/س ارتادى. كۇندىز وبلىستىڭ وڭتۇستىگىندە 38 گرادۋس قاتتى ىستىق بولادى.
اقمولا وبلىسىنىڭ سولتۇستىگىندە، وڭتۇستىك-شىعىسىندا، وڭتۇستىك-باتىسىندا نايزاعاي، بۇرشاق جانە داۋىل بولجانادى. سولتۇستىك-باتىستان سوققان جەلدىڭ ەكپىنى 15-20 م/س جەتۋى مۇمكىن.
قاراعاندى وبلىسىنىڭ سولتۇستىگىندە، شىعىسىندا نايزاعاي ويناپ، بۇرشاق تۇسەدى. سولتۇستىك-باتىستان، باتىستان جەل سوعادى، جىلدامدىعى 15-20 م/س دەيىن ارتادى.
تاڭەرتەڭ جانە كۇندىز قوستاناي وبلىسىنىڭ سولتۇستىگىندە، شىعىسىندا نايزاعاي، بۇرشاق، داۋىل كۇتىلەدى. سولتۇستىك-باتىستان جەل سوعادى، كۇندىز ءوڭىردىڭ سولتۇستىك-شىعىسىندا، شىعىسىندا كۇشى 15-20 م/س قۇرايدى.
شىعىس قازاقستان وبلىسىندا نايزاعاي، بۇرشاق، داۋىل بولجانادى. جەل وڭتۇستىك-باتىستان سوعادى، نايزاعاي كەزىندە ەكپىنى 15-20 م/س جەتەدى.
تۇندە الماتى وبلىسىنىڭ تاۋلى اۋداندارىندا قاتتى جاڭبىر جاۋادى. 14 ماۋسىمدا تاۋلىك بويى نايزاعاي كۇتىلەدى. وڭتۇستىك-باتىستان جەل سوعادى، نايزاعاي كەزىندە كۇشى 15-20 م/س قۇرايدى. ءوڭىردىڭ سولتۇستىگىندە جانە شىعىسىندا ەكپىنى 25 م/س ارتادى.
كۇندىز قىزىلوردا وبلىسىنىڭ ورتالىعىندا شاڭدى داۋىل تۇرادى. جەل سولتۇستىكتەن سوعادى، كۇندىز ءوڭىردىڭ ورتالىعىندا كۇشى 15-20 م/س جەتەدى. توتەنشە ءورت ءقاۋپى ساقتالادى.
پاۆلودار وبلىسىنىڭ وڭتۇستىگىندە، كۇندىز وبلىستىڭ ورتالىعىندا نايزاعاي، بۇرشاق كۇتىلەدى. وڭتۇستىك-باتىستان جەل سوعادى، نايزاعاي كەزىندە ەكپىنى 15-20 م/س قۇرايدى.
كۇندىز جامبىل وبلىسىنىڭ تاۋلى اۋداندارىندا قاتتى جاڭبىر كۇتىلەدى. 14 ماۋسىمدا تاۋلى اۋدانداردا، 15 ماۋسىمدا وبلىستىڭ سولتۇستىك-باتىسىندا، شىعىسىندا، تاۋلى اۋدانداردا نايزاعاي، بۇرشاق، داۋىل بولجانادى. كۇندىز 15 ماۋسىمدا جەلدىڭ ەكپىنى 23 م/س دەيىن جەتەدى.
كۇندىز سولتۇستىك قازاقستان وبلىسىنىڭ باسىم بولىگىندە جاڭبىر بولجانادى. وبلىستىڭ سولتۇستىگىندە، باتىسىندا، شىعىسىندا نايزاعاي، داۋىل، بۇرشاق كۇتىلەدى. تۇندە جانە تاڭەرتەڭ وبلىستىڭ وڭتۇستىك-باتىسىندا تۇمان بولادى. سولتۇستىك-باتىستان جەل سوعادى، ءوڭىردىڭ سولتۇستىگىندە، باتىسىندا، شىعىسىندا ەكپىنى 15-20 م/س جەتەدى.
تۇركىستان وبلىسىنىڭ تاۋلى اۋداندارىندا نايزاعاي ويناپ، داۋىل تۇرادى. سولتۇستىك-باتىستان جەل سوعادى، نايزاعاي كەزىندە ەكپىنى 15-20 م/س قۇرايدى.