وسكەمەندە ءتورتىنشى قاباتتاعى تەرەزەدەن قۇلاپ كەتكەن 14 جاستاعى ءجاسوسپىرىم جانساقتاۋ بولىمىندە جاتىر، دەپ حابارلايدى اlmaty-akshamy.kz.
وقيعا 12 جەلتوقسان كۇنى كەشكى ۋاقىتتا قالاداعى نازاربايەۆ داڭعىلىندا بولعان. كوپقاباتتى ءۇيدىڭ ءتورتىنشى قاباتىنداعى تەرەزەدەن ءجاسوسپىرىم قۇلاپ كەتكەن.
شىعىس قازاقستان وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، 14 جاستاعى ءجاسوسپىرىمدى شۇعىل تۇردە جەدەل جاردەم قىزمەتكەرلەرى انا مەن بالا ورتالىعىنا جەتكىزدى. قازىرگى ۋاقىتتا ول اۋرۋحاناعا جاتقىزىلعان.
"بالانىڭ باس سۇيەگى جارالانىپ، جىلىنشىگى سىنىپ كەتكەن. دارىگەرلەر ونىڭ جاعدايىن اۋىر دەپ باعالاپ وتىر. ناۋقاس ءقازىر جانساقتاۋ بولىمىندە جاتىر"، - دەيدى باسقارمانىڭ باسپا ءسوز حاتشىسى اسەم قايراتبەك.شىعىس قازاقستان وبلىستىق دەنساۋلىق ساقتاۋ باسقارماسى باسپا ءسوز حاتشىسى اسەم قايراتبەك
ازىرشە بالانىڭ قالاي قۇلاپ كەتكەنى بەلگىسىز. وقيعاعا قاتىستى پوليسيا دەپارتامەنتى اقپارات بەرمەگەن.