جۇمىسسىز ايەل «كرەديت الۋدى» كاسىبىنە اينالدىرىپ العان
قاراعاندى وبلىسىندا الاياق ايەل 14 اۋىل تۇرعىنىنىڭ اتىنان نەسيە راسىمدەپ العان، دەپ حابارلايدى Almaty-akshamy.kz inbusiness.kz-كە سىلتەمە جاساپ.
7 اقپان كۇنى جاڭاارقا اۋدانىنىڭ پوليسيا بولىمىنە 61 جاستاعى اۋىل تۇرعىنى جۇگىنگەن. بەلگىسىز بىرەۋ وعان بانكتەردىڭ بىرىندە 500 مىڭ تەڭگە كولەمىندە تاۋارلىق نەسيە راسىمدەگەن. بۇل تۋرالى تۇرعىن بانكتەن قوڭىراۋ شالىپ، قارىزدى جابۋدى سۇراعاندا عانا بىلگەن.
مامىر ايىنىڭ ورتاسىندا اتقارىلعان جۇمىستارمەن اۋداننىڭ كريمينالدىق پوليسيا قىزمەتكەرلەرى جاڭاارقا اۋدانىنىڭ 28 جاستاعى تۇرعىنىن انىقتادى. جۇمىسسىز ايەل «كرەديت الۋدى» كاسىبىنە اينالدىرىپ العان. ونىڭ تاعى 13 اۋىل تۇرعىنىنا 15 ملن تەڭگەگە جۋىق نەسيە راسىمدەگەنى بەلگىلى بولدى.