«City Run 2022» جارىسىنىڭ ۇيىمداستىرۋ كوميتەتى الماتى تۇرعىندارى مەن قوناقتارىنا جارىس وتەتىن كۇنى جولداردىڭ ءىشىنارا جابىلاتىنى تۋرالى مالىمدەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
13 قاراشا كۇنى - «City Run 2022» جارىسى وتەتىن ۋاقىتتا، ياعني، تاڭعى ساعات 04:00-دەن 11:00-گە دەيىن جارىس قاشىقتىعى وتەتىن جەرلەردە جولدارداعى قوزعالىس ءىشىنارا جابىلادى. جارىس سورەسى «استانا» الاڭىندا باستالادى. تولە بي كوشەسىندە ابىلاي حان داڭعىلىنان پانفيلوۆ كوشەسىنە دەيىنگى قوزعالىس ساعات 04:00-دەن 11:00-گە دەيىن جابىق بولادى. تولە بي كوشەسىندە ناۋرىزباي باتىر كوشەسىنەن ابىلاي حان داڭعىلىنا دەيىنگى قوزعالىس ساعات 07:45-تەن 09:40-قا دەيىن جابىق بولادى. ناۋرىزباي باتىر كوشەسىنىڭ بويىندا تولە بي كوشەسىنەن شيەۆچەنكو كوشەسىنە دەيىنگى قوزعالىس ساعات 08:00-دەن 09:30-عا دەيىن شەكتەلەدى. شيەۆچەنكو كوشەسىنىڭ بويىندا ناۋرىزباي باتىر كوشەسىنەن پانفيلوۆ كوشەسىنە دەيىنگى قوزعالىس ساعات 08:05-تەن 09:20-عا دەيىن جابىلادى.
پانفيلوۆ كوشەسىنىڭ بويىندا تولە بي كوشەسىنەن بوگەنباي باتىر كوشەسىنە دەيىنگى قوزعالىس ساعات 08:15-تەن 09:45-كە دەيىن جابىق بولادى. بوگەنباي باتىر كوشەسىنىڭ بويىندا ابىلاي حان داڭعىلىنان پانفيلوۆ كوشەسىنە دەيىنگى قوزعالىس ساعات 08:15-تەن 09:45-كە دەيىن جابىق بولادى. ابىلاي حان داڭعىلىنىڭ بويىندا تولە بي كوشەسىنەن بوگەنباي باتىر كوشەسىنە دەيىنگى قوزعالىس ساعات 08:15-تەن 09:45-كە دەيىن جابىق بولادى.
ايتا كەتەيىك، سپورت اۋەسقويلارىنا 2 قاشىقتىق ۇسىنىلىپ وتىر — 10 كم جانە 5 كم سكانديناۆيالىق ءجۇرىس.