جامبىل وبلىسىندا 5 اۋداننىڭ تۇرعىندارى سپيرتتىك ونىمدەردەن تۇبەگەيلى باس تارتتى. يگى ءىستى 12 اۋىلدىڭ تۇرعىندارى قولداعان. 126 دۇكەننىڭ يەسى الكوگول ونىمدەرىن ساتۋ جونىندەگى ليسەنزيالارىن وبلىستىق كىرىستەر باسقارماسىنا ەرىكتى تۇردە وتكىزدى، دەپ حابارلايدى almaty-akshamy.kz 24 kz سىلتەمە جاساپ.
اۋىل تۇرعىندارى سالاۋاتتى ءومىر سالتىنا ءبىرجولا دەن قويماق. اسىرەسە، بۇل باستامانى قىزىلقۇم اۋدانىنداعى قۇموزەك سەلوسى تۇرعىندارى بەلسەندى جالعاستىرۋدا.
اۋىلدا اراق-شاراپسىز دۇكەن اشىلعان. ايتا كەتەيىك، اكسيانى سىبايلاس جەمقورلىققا قارسى اگەنتتىكتىڭ وبلىستىق دەپارتامەنتى ۇسىنعان.
ەلدى مەكەن تۇرعىندارى بۇل باستامانى وزگە اۋىلدارعا ەستافەتا رەتىندە جولداپ، وزگەلەردىڭ دە قولدايتىنىنا سەنىمدى.
راۆيل تولەبايەۆ، ق ر ءسجقىق اگەنتتىگىنىڭ جامبىل وبلىسى بويىنشا دەپارتامەنت باسشىسىنىڭ ءبىرىنشى ورىنباسارى:
- ىشىمدىك ساۋداسىنان باس تارتۋدى الدىمەن قاريالار قولدادى. ءارى قاراي جاستار جالعاستىرىپ جاتىر. بۇل ولارعا ۇلگى بولدى. ءبىر جاعىنان، اۋىلدا سپيرتتىك ىشىمدىك بولماسا، قىلمىس سانى ازايادى دەپ ۇمىتتەنەمىز. جىل اياعىنا دەيىن جاعدايدى باقىلىپ، مونيتورينگ جۇرگىزەمىز.