جاڭارۋ كۇنىن جاقسىلىققا بالاعان اۋەزوۆ اۋدانىنىڭ تۇرعىندارى بۇل كۇنى №116 مەكتەپ پەن №119 مەكتەپ اۋلالارىنداعى فۋتبول الاڭدارىن جاسىل جەلەكپەن كومكەردى.
«جاڭا كوشەتتەر – تىڭ يدەيالار – ەل دامۋىنىڭ جاڭا كەزەڭى» دەگەن اتپەن ۇيىمداستىرىلعان ءىس-شاراعا اۋداندىق ارداگەرلەر كەڭەسى مەن كوميۋنيتي ورتالىعىنىڭ مۇشەلەرى، اۋدان جاستارىنان 70 ادام قاتىسىپ، 125 ءتۇپ اعاش وتىرعىزىلدى، دەپ حابارلايدى اlmaty-akshamy.kz.
ۇلىستىڭ ۇلى كۇنى ناۋرىز مەيرامىمەن قۇتتىقتاعان اعا بۋىن جاستارعا ءار جىلى ناۋرىز مەرەكەسىن كوگالداندىرۋ مەن تازارتۋدان باستاۋدى داستۇرگە اينالدىرۋ قاجەت ەكەنىن ايتىپ، باتالارىن بەردى.
- «جاڭارۋ» كۇنى – سوزبە-سوز ماعىناسىندا دا، قوعامدىق-ساياسي تۇرعىدا دا «ءومىردىڭ جاڭارۋىن» بەينەلەيتىن جاپپاي اعاش وتىرعىزۋ شاراسى ۇيىمداستىرىلادى.
- «جاڭارۋ» كۇنى بارشا ازاماتتاردى ورتاق ماقساتتارعا جەتۋ جولىندا بىرىگۋگە جانە ىنتىماقتا بولۋعا ۇندەيدى.
- بۇل كۇن ەل ومىرىندە جانە ءاربىر قازاقستاندىقتىڭ ومىرىندە جاڭا كەزەڭنىڭ باستالۋىن بىلدىرەدى. بۇل – العا جاڭا ماقسات قويىپ، جاڭا جوبالاردى باستاۋ، ەلدىڭ جاڭا باسشىلىعىنىڭ ساياسي ەرىك-جىگەرى مەن پراگماتيكالىق ۇستانىمىنىڭ ارقاسىندا ءومىردى جاقسىلىققا قاراي وزگەرتۋ تۋرالى شەشىم قابىلداۋ ۋاقىتى.
ايتا كەتەيىك، بيىل ناۋرىزنامنىڭ ونكۇندىگى 23 ناۋرىزعا دەيىن جالعاسادى. مەرەكە اياسىندا قالادا كوپتەگەن مادەني ءىس-شارالار ۇيىمداستىرىلادى. ولاردىڭ تولىق ءتىزىمىن الماتى قالاسى اكىمدىگىنىڭ سايتىنان تابۋعا بولادى.
