26 ماۋسىم كۇنى اتموسفەرالىق فرونتالدى بولىكتەردىڭ اسەرىنەن قازاقستان اۋماعىنىڭ سولتۇستىك بولىگىندە جانە وڭتۇستىك-شىعىسىندا قۇبىلمالى كۇن رايى ساقتالادى: كۇن كۇركىرەپ، جاڭبىر جاۋادى، بۇرشاق، داۋىل كۇتىلەدى. رەسپۋبليكانىڭ بارلىق اۋماعىندا ەكپىندى جەل بولجانادى، دەپ حابارلايدى Almaty-akshamy.kz Inform.kz-كە سىلتەمە جاساپ.
كۇندىز شىعىس قازاقستان، اباي وبلىستارىنىڭ وڭتۇستىگىندە، قىزىلوردا، ۇلىتاۋ، قاراعاندى، پاۆلودار، ماڭعىستاۋ، اتىراۋ، تۇركىستان، جەتىسۋ، الماتى، جامبىل وبلىستارىنىڭ باسىم بولىگىندە قاتتى ىستىق ساقتالادى. كۇندىز جامبىل وبلىسىنىڭ سولتۇستىگىندە، تۇركىستان وبلىسىنىڭ ءشولدى اۋماعىندا، جەتىسۋ، الماتى وبلىستارىنىڭ سولتۇستىگى مەن شىعىسىندا وتە قاتتى ىستىق بولادى. قىزىلوردا وبلىسىنىڭ باسىم بولىگىندە، اباي، الماتى وبلىستارىنىڭ باتىسىندا، اتىراۋ وبلىسىنىڭ باتىسى مەن شىعىسىندا، اقتوبە وبلىسىنىڭ وڭتۇستىگىندە، شىعىسىندا، ۇلىتاۋ اۋدانىنىڭ وڭتۇستىك-باتىسىندا، قاراعاندى، جامبىل، باتىس قازاقستان وبلىستارىنىڭ وڭتۇستىك-شىعىسىندا، پاۆلودار وبلىسىنىڭ ورتالىعىندا توتەنشە ءورت ءقاۋپى ساقتالادى.