اقمولا وبلىسىنىڭ پوليسەيلەرى الماتىدا 2012 جىلدان بەرى ىزدەۋدە جۇرگەن ايەل ادامدى ۇستادى.
پوليسيا مالىمەتىنشە، ول الاياقتىقپەن 19،5 ميلليون تەڭگەگە الدى دەگەن كۇدىككە ىلىنگەن، دەپ حابارلايدى aqshamnews.kz.
ءبىرىنشى ءوتىنىش 2012 جىلعى 2 قازاندا 37 جاستاعى جابىرلەنۋشىدەن كەلىپ ءتۇستى، ول بەيتانىس ايەلدىڭ 665 مىڭ تەڭگە سوماسىندا قاراجاتىن الاياقتىق جولمەن يەمدەنگەنىن ايتتى. ىسكە پوليسەيلەر ارالاسىپ، 13 ادام زارداپ شەككەنى انىقتالدى. ولاردىڭ بارلىعى – وبلىس ورتالىعىنىڭ تۇرعىندارى. زارداپ شەككەندەردىڭ ايتۋىنشا، الاياق ولارمەن كەزدەيسوق تانىسقان: ول بىرەۋدەن پاتەر جالداعان، باسقالارىمەن تاكسيدە تانىسقان. ول بارلىعىنا پاتەر ساتىپ الۋعا كومەكتەسەتىن قانداي دا ءبىر مۇمكىندىكتەرى بار ەكەنىن ايتىپ، ءوز قىزمەتىن ۇسىنعان، – دەدى اقمولا وبلىسى پد باسپا ءسوز قىزمەتى.
ايەل سول كەزدەن باستاپ ىزدەۋگە بەرىلگەن. تەك 2024 جىلى عانا كۇدىكتىنىڭ الماتىدا ەكەنى انىقتالدى. بەلگىلى بولعانداي، ول ءوز دەرەكتەرىن وزگەرتىپ جىبەرگەن.
ءقازىر كۇدىكتى الاياق قاماۋعا الىندى. ءىس سوتقا جىبەرىلدى.