پاتريوت كۇنى: 11 قىركۇيەكتىڭ قايعىلى ەستەلىگى
پاتريوت كۇنى (Patriot Day) – اقش-تا جىل سايىن 11 قىركۇيەكتە اتالىپ وتەتىن ازا تۇتۋ كۇنى. بۇل كۇن – 2001 جىلعى قايعىلى وقيعالاردىڭ، لاڭكەستىك شابۋىلداردا قازا تاپقان مىڭداعان ادامنىڭ ەستەلىگى.
11 قىركۇيەك وقيعاسىنا بيىل - 14 جىل.
بۇل كۇنى «ال-كايدا» (قازاقستاندا تىيىم سالىنعان) تەرروريستىك ۇيىمى ءتورت جولاۋشى ۇشاعىن باسىپ العان ەدى.
ەكى ۇشاق نيۋ-يوركتەگى دۇنيەجۇزىلىك ساۋدا ورتالىعىنىڭ «ەگىز مۇنارالارىنا» سوعىلىپ، عيماراتتار وپىرىلىپ ءتۇستى. ءۇشىنشى ۇشاق ۆاشينگتونداعى پەنتاگونعا قۇلادى. ءتورتىنشى ۇشاق پەنسيلۆانيادا جەرگە سوعىلدى – وندا جولاۋشىلار لاڭكەستەرگە قارسى ارەكەت ەتكەن.
شابۋىلدار سالدارىنان شامامەن 3000 ادام قازا تاپتى. قۇربانداردىڭ اراسىندا 90-نان استام ەلدىڭ ازاماتتارى بولدى.
ەسكە الۋ كۇنى قالاي پايدا بولدى؟
- 2001 جىلعى 18 جەلتوقساندا اقش كونگرەسى ارنايى اكت قابىلداپ، 11 قىركۇيەكتى «پاتريوت كۇنى» دەپ بەكىتتى.
- 2009 جىلدان باستاپ بۇل كۇن «قىزمەت پەن ەسكە الۋدىڭ ۇلتتىق كۇنى» مارتەبەسىن الدى. ونىڭ باستاماشىلارى – سول كۇنى تۋعان-تۋىستارىنان ايىرىلعان وتباسىلار.
جىل سايىن 11 قىركۇيەكتە اقش-تا تاڭعى 8:46-دا (شىعىس ۋاقىتى بويىنشا) ءبىر مينۋت ۇنسىزدىك جاريالانادى. ءدال وسى ۋاقىتتا دۇنيەجۇزىلىك ساۋدا ورتالىعىنىڭ سولتۇستىك مۇناراسىنا العاشقى ۇشاق سوعىلعان ەدى.