الماتىدا كوشپەلى بۇلت شىعادى، جاۋىن-شاشىنسىز
سينوپتيكتەر قازاقستاندا 11 قازانعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
ەلدىڭ باسىم بولىگىندە اۋا رايى جاۋىن-شاشىنسىز بولادى دەپ بولجاندى.
تەك ەلىمىزدىڭ باتىس وبلىستارىنىڭ اۋا رايىن قارا تەڭىزدەن كەلەتىن سيكلون انىقتايدى. سونىڭ ىقپالىنان نايزاعاي وينايدى.
رەسپۋبليكا بويىنشا جەل كۇشەيەدى. وڭتۇستىكتە، وڭتۇستىك-باتىستا شاڭدى داۋىل سوعادى. شىعىستا جانە وڭتۇستىك-شىعىستىڭ تاۋلى ايماقتارىندا تۇمان بولادى.
تۇركىستان وبلىسىنىڭ سولتۇستىگىندە تۇندە توپىراق بەتىندە 2 گرادۋس اياز ساقتالادى.
• استانادا كوشپەلى بۇلت شىعادى، جاۋىن-شاشىنسىز. وڭتۇستىك-باتىستان 3-8 م/س جەل سوعادى. اۋا تەمپەراتۋراسى تۇندە 0-2، كۇندىز 15-17 جىلى.
• الماتىدا كوشپەلى بۇلت شىعادى، جاۋىن-شاشىنسىز. جەل ەكپىنى 2-7 م/س. اۋا تەمپەراتۋراسى تۇندە 2-4، كۇندىز 16-18 جىلى.
• شىمكەنتتە كوشپەلى بۇلت شىعادى، جاۋىن-شاشىنسىز. شىعىستان سوعاتىن جەل ەكپىنى 8-13 م/س. اۋا تەمپەراتۋراسى تۇندە 6-8، كۇندىز 22-24 جىلى.