ق ر بعم مالىمەتىنشە، ستۋدەنتتەردىڭ كوپشىلىگى رەسەي ۋنيۆەرسيتەتتەرىنەن اۋىسقان.
2021 جىلى شەتەلدە ءبىلىم العان 11 مىڭنان استام قازاقستاندىق ەلىمىزدىڭ جوعارى وقۋ ورىندارىنا اۋىستى، دەپ حابارلايدى Almaty-akshamy.kz
بۇرىن اقش، جۇڭگو، فرانسيا، ۆەنگريا، چەحيا، پولشا، تۇركيا ۋنيۆەرسيتەتتەرىندە وقىعان، ءبىراق قازاقستاندا وقۋىن جالعاستىرۋعا شەشىم قابىلداعان ستۋدەنتتەر دە بار.
«قىسقى جانە جازعى سەسسيانىڭ قورىتىندىسى بويىنشا، بۇرىن شەتەلدە ءبىلىم العان 11 مىڭنان استام ستۋدەنت قازاقستاندىق جوعارى وقۋ ورىندارىنا اۋىسۋعا نيەت ءبىلدىردى. ولار جەڭىلدەتىلگەن اۋىسۋ ءتارتىبى بويىنشا قابىلدانىپ، ءقازىر وتاندىق جوعارى وقۋ ورىندارىندا ءبىلىم الىپ جاتىر. ماسەلەن، ولار ءال-فارابي اتىنداعى قازاق ۇلتتىق ۋنيۆەرسيتەتى، قازاق ۇلتتىق قىزدار پەداگوگيكالىق ۋنيۆەرسيتەتى، نارحوز ۋنيۆەرسيتەتى، ق.ساتپايەۆ اتىنداعى قازۇتزۋ جانە باسقا دا جوعارى وقۋ ورىندارىنا قابىلداندى. وتكەن جىلى شەتەلدىك جوعارى وقۋ ورىندارىنان 15 مىڭعا جۋىق ستۋدەنت ءبىزدىڭ ۋنيۆەرسيتەتىمىزگە اۋىستى»، – دەدى ق ر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.