ول قاماۋعا الىندى.
الماتى مەن نۇر-سۇلتاندا ورنالاسقان ءبىرقاتار عيماراتقا جارىلعىش زات قويىلدى دەپ جالعان حابار تاراتقان ادام ۇستالدى، دەپ حابارلايدى Almaty-akshamy.kz ق ر تەرروريزمگە قارسى ورتالىعىنىڭ باسپا ءسوز قىزمەتىنە سىلتەمە جاساپ.
ايتا كەتەيىك، وسىعان دەيىن، ياعني، 4 ساۋىردە، نۇر-سۇلتان مەن الماتىنىڭ ءبىرقاتار مەكەمەلەرىنىڭ ەلەكتروندى مەكەنجايلارىندا جارىلعىش زات قويىلعانى تۋرالى اقپارات تاراعان بولاتىن. وسىعان بايلانىستى ارنايى جۇرگىزىلگەن جەدەل ىزدەستىرۋ شارالارنىڭ بارىسىندا قوستاناي وبلىسى، ءجىتىقارا قالاسىنىڭ 1986 جىلى تۋعان تۇرعىنى ۇستالدى. ول وسى قالاداعى مەكەمەلەردىڭ بىرىندە IT مامانى بولىپ قىزمەت ەتكەن. ول ءوزىنىڭ اقپاراتىق تەحنولوگيالار سالاسىنداعى بىلىكتىلىگى مەن وزگە دە تەحنولوگيالاردى پايدالانا وتىرىپ، ەلوردا مەن الماتىنىڭ ءىرى نىساندارىنىڭ مەكەنجايلارىنا حابار تاراتقان.
كۇدىكتى ءوزىنىڭ ارەكەتىن بۇزاقىلىق نيەتىمەن ىستەگەنىن مويىندادى جانە ول قاماۋعا الىندى. ەندى ول ق ر قك 273 بابى «تەرروريزم تۋرالى كورىنەۋ جالعان اقپارات تاراتۋ» نەگىزىندە (5 ايلىق ەسەپتىك كورسەتكىش كولەمىندە ايىپپۇل سالۋ نەمەسە وسى مولشەردەگى سوماعا تۇزەتۋ جۇمىستارىنا جەگۋ، سونداي-اق 5 جىلعا دەيىن باس بوستاندىعىن شەكتەۋ مەن وسى مەرزىمگە باس بوستاندىعىنان ايىرۋ جازاسى قاراستىرىلعان) جاۋاپ بەرۋگە تۋرا كەلەدى.